ਚਿਤ੍ਰਲੇਖਾ (1964 ਫ਼ਿਲਮ)

ਚਿਤ੍ਰਲੇਖਾ 1964 ਦੀ ਬਣੀ ਕੇਦਾਰ ਸ਼ਰਮਾ ਦੁਆਰਾ ਨਿਰਦੇਸਿਤ ਇਤਹਾਸਕ-ਦਾਰਸ਼ਨਿਕ ਹਿੰਦੀ ਫ਼ਿਲਮ ਹੈ, ਜਿਸ ਵਿੱਚ ਮੁੱਖ ਅਦਾਕਾਰ ਅਸ਼ੋਕ ਕੁਮਾਰ, ਮੀਨਾ ਕੁਮਾਰੀ ਅਤੇ ਪ੍ਰਦੀਪ ਕੁਮਾਰ ਸਨ। ਇਹ ਇਸੇ ਨਾਮ ਦੇ ਭਗਵਤੀ ਚਰਣ ਵਰਮਾ ਦੇ 1934 ਦੇ ਹਿੰਦੀ ਨਾਵਲ ਤੇ ਆਧਾਰਿਤ ਹੈ। ਮੌਰਿਆ ਸਾਮਰਾਜ ਦੇ ਤਹਿਤ ਦਰਬਾਰੀ ਬੀਜ ਗੁਪਤਾ ਅਤੇ ਇਸ ਦੇ ਰਾਜੇ ਚੰਦ੍ਰਗੁਪਤ ਮੌਰਿਆ (340 ਈ.ਪੂ. - 298 ਈ.ਪੂ.) ਅਤੇ ਚਿਤ੍ਰਲੇਖਾ ਨਾਲ ਉਸ ਦੇ ਪਿਆਰ ਬਾਰੇ ਹੈ।^[1] ਫ਼ਿਲਮ ਦਾ ਸੰਗੀਤ ਅਤੇ ਗੀਤ ਰੋਸ਼ਨ ਅਤੇ ਸਾਹਿਰ ਲੁਧਿਆਣਵੀ ਦੇ ਹਨ ਅਤੇ ਇਸ ਦੇ ਗੀਤ "ਸੰਸਾਰ ਸੇ ਭਾਗੇ ਫਿਰਤੇ ਹੋ" ਅਤੇ "ਮਨ ਰੇ ਤੂ ਕਾਹੇ" ਚਰਚਿਤ ਹੋਏ ਸਨ।^[2][3] ਚਿਤ੍ਰਲੇਖਾ ਤੇ ਪਹਿਲਾਂ 1941 ਵਿੱਚ ਵੀ ਫ਼ਿਲਮ ਬਣੀ ਸੀ। ਉਹ ਵੀ ਕੇਦਾਰ ਸ਼ਰਮਾ ਦੀ ਨਿਰਦੇਸਿਤ ਸੀ।^[4] ਇਹ ਬਾਕਸ ਆਫਿਸ ਤੇ 1941 ਵਾਲੀ ਦੇ ਉਲਟ ਚੰਗੀ ਨਹੀਂ ਰਹੀ, ਆਲੋਚਕ ਮਾੜੀ ਸਕਰਿਪਟ ਅਤੇ ਗਲਤ ਕਾਸਟਿੰਗ ਇਸ ਦਾ ਕਾਰਨ ਦੱਸਦੇ ਹਨ।^[2]

ਚਿਤ੍ਰਲੇਖਾ
Film poster
ਨਿਰਦੇਸ਼ਕ	ਕੇਦਾਰ ਸ਼ਰਮਾ
ਸਕਰੀਨਪਲੇਅ	ਕੇਦਾਰ ਸ਼ਰਮਾ ਰਜਿੰਦਰ ਕੁਮਾਰ ਸ਼ਰਮਾ
ਨਿਰਮਾਤਾ	ਏ ਕੇ ਨਾਡਿਆਡਵਾਲਾ
ਸਿਤਾਰੇ	ਅਸ਼ੋਕ ਕੁਮਾਰ ਮੀਨਾ ਕੁਮਾਰੀ ਪ੍ਰਦੀਪ ਕੁਮਾਰ
ਸਿਨੇਮਾਕਾਰ	ਡੀ ਸੀ ਮਹਿਤਾ
ਸੰਪਾਦਕ	ਪ੍ਰਭਾਕਰ ਗੋਖਲੇ
ਸੰਗੀਤਕਾਰ	ਰੋਸ਼ਨ ਸਾਹਿਰ ਲੁਧਿਆਣਵੀ (ਗੀਤ)
ਰਿਲੀਜ਼ ਮਿਤੀ	1964
ਦੇਸ਼	ਭਾਰਤ
ਭਾਸ਼ਾ	ਹਿੰਦੀ