ਡੇਨੀਏਲਾ ਵੇਗਾ

ਡੇਨੀਏਲਾ ਵੇਗਾ ਹਰਨਾਡੀਜ਼ (ਜਨਮ 3 ਜੂਨ, 1989) ਚਿਲੀ ਅਭਿਨੇਤਰੀ ਅਤੇ ਮੇਜੋ-ਸੋਪ੍ਰਾਨੋ ਗਾਇਕਾ ਹੈ।^[1][2] ਉਹ ਅਕਾਦਮੀ ਇਨਾਮ- ਵਿਜੈਤਾ ਫ਼ਿਲਮ ਏ ਫੈਨਟੈਸਟਿਕ ਵੂਮਨ (2017) ਵਿੱਚ ਅਲੋਚਨਾਤਮਕ ਤੌਰ 'ਤੇ ਪ੍ਰਸੰਸਾਯੋਗ ਪ੍ਰਦਰਸ਼ਨ ਲਈ ਜਾਣੀ ਜਾਂਦੀ ਹੈ।^[3][4] ਸਾਲ 2018 ਦੇ 90 ਵੇਂ ਅਕਾਦਮੀ ਇਨਾਮਾਂ ਵਿਚ, ਵੇਗਾ ਅਕਾਦਮੀ ਇਨਾਮ ਸਮਾਰੋਹ ਵਿੱਚ ਪੇਸ਼ਕਾਰੀ ਕਰਨ ਵਾਲੀ ਇਤਿਹਾਸ ਦੀ ਪਹਿਲੀ ਟਰਾਂਸਜੈਂਡਰ ਔਰਤ ਬਣ ਗਈ। 2018 ਵਿੱਚ ਟਾਈਮ ਮੈਗਜ਼ੀਨ ਨੇ ਉਸ ਨੂੰ ਵਿਸ਼ਵ ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਵਿੱਚ ਸ਼ਾਮਿਲ ਕੀਤਾ।^[5]

ਡੇਨੀਏਲਾ ਵੇਗਾ
ਵੇਗਾ 2017 ਦੇ ਬਰਲਿਨ ਦੇ ਅੰਤਰਰਾਸ਼ਟਰੀ ਫ਼ਿਲਮ ਸਮਾਰੋਹ ਵਿਚ
ਜਨਮ	(1989-06-03) 3 ਜੂਨ 1989 (ਉਮਰ 36) ਸਾਨਮਿਗੁਅਲ, ਸੈਂਟਿਯਾਗੋ, ਚਿਲੀ
ਹੋਰ ਨਾਮ	ਡੇਨੀ ਵੇਗਾ
ਪੇਸ਼ਾ	ਅਦਾਕਾਰਾ ਗਾਇਕਾ
ਸਰਗਰਮੀ ਦੇ ਸਾਲ	2011–ਹੁਣ

ਮੁੱਢਲਾ ਜੀਵਨ

3 ਜੂਨ 1989 ਨੂੰ ਸਾਨ ਮੀਗੋਲ, ਸੈਂਟਿਯਾਗੋ ਸੂਬੇ ਵਿੱਚ ਪੈਦਾ ਹੋਈ, ਉਹ ਇਗੋਰ ਅਲੇਜੈਂਡਰੋ ਵੇਗਾ ਇਨੋਸਟ੍ਰੋਜ਼ਾ ਅਤੇ ਸੈਂਡਰਾ ਡੇਲ ਕਾਰਮੇਨ ਹਰਨਾਡੇਜ਼ ਡੇ ਲਾ ਕੁਆਦਰਾ ਦੀ ਪਹਿਲੀ ਬੱਚੀ ਸੀ।^[6] ਵੇਗਾ ਨੇ ਅੱਠ ਸਾਲ ਦੀ ਉਮਰ ਵਿੱਚ ਆਪਣੀ ਦਾਦੀ ਨਾਲ ਓਪੇਰਾ ਦੀ ਪੜ੍ਹਾਈ ਸ਼ੁਰੂ ਕੀਤੀ।^[7][8] ਵੱਡੀ ਹੋ ਕੇ ਉਸਨੇ ਇੱਕ ਮੁੰਡਿਆਂ ਦੇ ਸਕੂਲ ਵਿੱਚ ਪੜ੍ਹਾਈ ਕੀਤੀ, ਜਿੱਥੇ ਉਸ ਨਾਲ ਧੱਕੇਸ਼ਾਹੀ ਕੀਤੀ ਗਈ।^[9][10] ਜਦੋਂ ਉਹ ਆਪਣੀ ਅੱਲ੍ਹੜ ਉਮਰ ਵਿੱਚ ਮੁੰਡਿਆਂ ਦੇ ਸਕੂਲ ਜਾ ਰਹੀ ਸੀ, ਉਸ ਸਮੇਂ ਉਸਨੂੰ ਅਹਿਸਾਸ ਹੋਇਆ ਕਿ ਉਹ ਟਰਾਂਸਜੈਂਡਰ ਹੈ ਅਤੇ ਲਿੰਗ ਤਬਦੀਲੀ ਸ਼ੁਰੂ ਕਰਵਾਈ। ਉਸ ਸਮੇਂ ਚਿਲੀ ਦੀ ਰੂੜ੍ਹੀਵਾਦੀ ਸੁਭਾਅ ਦੇ ਬਾਵਜੂਦ ਉਸਦੇ ਮਾਤਾ-ਪਿਤਾ ਅਤੇ ਛੋਟੇ ਭਰਾ ਨਿਕੋਲਸ ਨੇ ਉਸ ਦਾ ਸਮਰਥਨ ਕੀਤਾ।^[11] ਉਸਦੀ ਤਬਦੀਲੀ ਤੋਂ ਬਾਅਦ ਉਸਨੇ ਡਿਪਰੈਸ਼ਨ ਦਾ ਸਾਹਮਣੇ ਕੀਤਾ, ਕਿਉਂਕਿ ਉਸਦੇ ਟਰਾਂਸ-ਔਰਤ ਹੋਣ ਕਾਰਨ ਉਸਨੂੰ ਅੱਗੇ ਵੱਧਣ ਦੇ ਮੌਕੇ ਬਹੁਤ ਘੱਟ ਮਿਲਦੇ ਸਨ।^[12][13] ਪਰੰਤੂ ਉਸਦੇ ਮਾਂ-ਪਿਓ ਸਹਿਯੋਗੀ ਸਨ ਅਤੇ ਉਸਦੇ ਪਿਤਾ ਨੇ ਉਸਨੂੰ ਬਿਉਟੀ ਸਕੂਲ ਅਤੇ ਬਾਅਦ ਵਿੱਚ ਥੀਏਟਰ ਸਕੂਲ ਜਾਣ ਲਈ ਉਤਸ਼ਾਹਿਤ ਕੀਤਾ।

ਮੀਡੀਆ ਚਿੱਤਰ

ਵੇਗਾ ਇਤਿਹਾਸ ਦੀ ਪਹਿਲੀ ਟਰਾਂਸਜੈਂਡਰ ਵਿਅਕਤੀ ਬਣ ਗਈ ਜਿਸਨੇ 2018 ਦੇ ਅਕਾਦਮੀ ਅਵਾਰਡਜ਼ ਵਿੱਚ ਪੇਸ਼ਕਾਰੀ ਦਿੱਤੀ ਸੀ।^[14] ਟਾਈਮ ਮੈਗਜ਼ੀਨ ਨੇ ਵੇਗਾ ਨੂੰ 2018 ਵਿੱਚ ਦੁਨੀਆ ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਵਿੱਚ ਸ਼ਾਮਿਲ ਕੀਤਾ।^[5]

ਫ਼ਿਲਮੋਗ੍ਰਾਫੀ

ਫ਼ਿਲਮ

ਸਾਲ	ਸਿਰਲੇਖ	ਭੂਮਿਕਾ	ਨੋਟ	Ref(s)
2014	ਦ ਗੇਸਟ (ਲਾ ਵਿਸਿਟਾ)	ਇਲੀਨਾ		[15]
2017	ਏ ਫੈਨਟੈਸਟਿਕ ਵਿਮਨ	ਮੈਰਿਨਾ	ਅਸਲ ਸਿਰਲੇਖ ਉਨ ਮੁਖੇਰ ਫੈਨਟੈਸਟਿਕਾ	[16]
2019	ਦ ਨਾਇਟ ਅਨਸ਼ੈਟਰਡ	ਗੈਬਰੀਲਾ	ਲਘੂ ਫ਼ਿਲਮ
2020 †	ਅਨ ਡੋਮਿੰਗੋ ਡੀ ਜੂਲੀਓ ਐਨ ਸੈਂਟਿਯਾਗੋ	ਪਾਮੇਲਾ	ਮੁਕੰਮਲ
TBA †	ਫਿਊਚਰ	ਟੀਬੀਏ	ਪੋਸਟ-ਪ੍ਰੋਡਕਸ਼ਨ

ਟੈਲੀਵਿਜ਼ਨ

ਸਾਲ	ਸਿਰਲੇਖ	ਭੂਮਿਕਾ	ਨੋਟ	Ref(s)
2019	ਟੇਲਜ ਆਫ ਦ ਸਿਟੀ	ਯੇਸਲਾ	3 ਐਪੀਸੋਡ	[17]
TBA †	ਦ ਪੈਕ	ਟੀਬੀਏ		[18]