ਤਲਤ ਮਹਿਮੂਦ

ਤਲਤ ਮਹਿਮੂਦ ਇੱਕ ਉੱਘੇ ਭਾਰਤੀ ਗਾਇਕ ਅਤੇ ਅਦਾਕਾਰ ਸਨ।^[1] ਇਹ ਆਪਣੀਆਂ ਗ਼ਜ਼ਲਾਂ ਕਰ ਕੇ ਜਾਣੇ ਜਾਂਦੇ ਹਨ। ਸਾਲ 1992 ਵਿੱਚ ਇਹਨਾਂ ਨੂੰ ਪਦਮ ਭੂਸ਼ਣ ਨਾਲ ਸਨਮਾਨਤ ਕੀਤਾ ਗਿਆ।

ਤਲਤ ਮਹਿਮੂਦ
ਜਾਣਕਾਰੀ
ਜਨਮ	24 ਫ਼ਰਵਰੀ 1924 ਲਖਨਊ, ਉੱਤਰ ਪ੍ਰਦੇਸ਼, ਬਰਤਾਨਵੀ ਭਾਰਤ
ਮੌਤ	9 ਮਈ 1998 ਮੁੰਬਈ, ਮਹਾਰਾਸ਼ਟਰ, ਭਾਰਤ
ਵੰਨਗੀ(ਆਂ)	ਫ਼ਿਲਮੀ, ਗ਼ਜ਼ਲ
ਕਿੱਤਾ	ਗਾਇਕ, ਅਦਾਕਾਰ
ਸਾਲ ਸਰਗਰਮ	1939–1986

ਮੁਢਲੀ ਜ਼ਿੰਦਗੀ

ਤਲਤ ਮਹਿਮੂਦ ਦਾ ਜਨਮ 24 ਫਰਵਰੀ 1924 ਨੂੰ ਲਖਨਊ ਵਿੱਚ ਹੋਇਆ ਸੀ। ਉਹ ਆਪਣੀ ਮਾਤਾ ਅਤੇ ਗਾਇਕ ਪਿਤਾ ਦੀ ਛੇਵੀਂ ਔਲਾਦ ਸੀ। ਉਸ ਦੇ ਪਿਤਾ ਆਪਣੀ ਅਵਾਜ ਨੂੰ ਅੱਲ੍ਹਾ ਦਾ ਦਿੱਤਾ ਗਲਾ ਕਹਿਕੇ ਅੱਲ੍ਹਾ ਨੂੰ ਹੀ ਸਮਰਪਤ ਕਰਨ ਦੀ ਇੱਛਾ ਰੱਖਦੇ ਸਨ ਅਤੇ ਕੇਵਲ ਨਾਅਤਾਂ ਕਹਿਲਾਏ ਜਾਣ ਵਾਲੇ ਇਸਲਾਮਿਕ ਧਾਰਮਿਕ ਗੀਤ ਗਾਉਂਦੇ ਸਨ। ਬਚਪਨ ਵਿੱਚ ਤਲਤ ਨੇ ਆਪਣੇ ਪਿਤਾ ਦੀ ਨਕਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਿਸਨੂੰ ਘਰ ਵਿੱਚ ਜ਼ਿਆਦਾ ਸਮਰਥਨ ਨਹੀਂ ਮਿਲਿਆ। ਉਸ ਦੀ ਇੱਕ ਭੂਆ ਉਸ ਨੂੰ ਸੁਣਦੀ ਅਤੇ ਪ੍ਰੋਤਸਾਹਨ ਦਿੰਦੀ ਹੁੰਦੀ ਸੀ। ਉਸ ਨੇ ਹੀ ਆਪਣੀ ਜਿਦ ਨਾਲ ਕਿਸ਼ੋਰ ਤਲਤ ਨੂੰ ਸੰਗੀਤ ਦੀ ਸਿੱਖਿਆ ਲਈ ਮਾਰਿਸ਼ ਕਾਲਜ ਵਿੱਚ ਦਾਖਲ ਵੀ ਕਰਵਾ ਦਿੱਤਾ। ਸੋਲਾਂ ਸਾਲ ਦੀ ਉਮਰ ਵਿੱਚ ਤਲਤ ਨੂੰ ਕਮਲ ਦਾਸਗੁਪਤਾ ਦਾ ਗੀਤ ਸਬ ਦਿਨ ਏਕ ਸਮਾਨ ਨਹੀਂ ਗਾਨੇ ਦਾ ਮੌਕਾ ਮਿਲਿਆ। ਇਹ ਗੀਤ ਪ੍ਰਸਾਰਿਤ ਹੋਣ ਦੇ ਬਾਅਦ ਲਖਨਊ ਵਿੱਚ ਬਹੁਤ ਹਰਮਨ ਪਿਆਰਾ ਹੋਇਆ। ਲੱਗਪਗ ਇੱਕ ਸਾਲ ਦੇ ਅੰਦਰ, ਪ੍ਰਸਿੱਧ ਸੰਗੀਤ ਰਿਕਾਰਡਿੰਗ ਕੰਪਨੀ ਐਚ ਐਮਮ ਵੀ ਦੀ ਟੀਮ ਕਲਕੱਤਾ ਤੋਂ ਲਖਨਊ ਆਈ ਅਤੇ ਪਹਿਲਾਂ ਉਸਦੇ ਦੋ ਗਾਣੇ ਰਿਕਾਰਡ ਕੀਤੇ ਗਏ। ਉਨ੍ਹਾਂ ਦੇ ਚਲਣ ਦੇ ਬਾਅਦ ਤਲਤ ਦੇ ਚਾਰ ਹੋਰ ਗਾਣੇ ਰਿਕਾਰਡ ਕੀਤੇ ਗਏ ਜਿਸ ਵਿੱਚ ਗ਼ਜ਼ਲ ਤਸਵੀਰ ਤੇਰੀ ਦਿਲ ਮੇਰਾ ਬਹਲਾ ਨ ਸਕੇਗੀ ਵੀ ਸ਼ਾਮਿਲ ਸੀ। ਇਹ ਗ਼ਜ਼ਲ ਬਹੁਤ ਪਸੰਦ ਕੀਤੀ ਗਈ ਅਤੇ ਬਾਅਦ ਵਿੱਚ ਇੱਕ ਫਿਲਮ ਵਿੱਚ ਸ਼ਾਮਿਲ ਵੀ ਕੀਤੀ ਗਈ।

ਇਹ ਵੀ ਵੇਖੋ

• ਕੁੰਦਨ ਲਾਲ ਸਹਿਗਲ
• ਮੁਹੰਮਦ ਰਫ਼ੀ
• ਸ਼ਮਸ਼ਾਦ ਬੇਗਮ