ਦੀਪਿਕਾ ਕੱਕੜ

ਦੀਪਿਕਾ ਕੱਕੜ (ਜਨਮ 6 ਅਗਸਤ 1986) ^[2] ਇੱਕ ਭਾਰਤੀ ਟੈਲੀਵਿਜ਼ਨ ਅਭਿਨੇਤਰੀ ਹੈ। ਉਹ ਸਸੁਰਾਲ ਸਿਮਰ ਕਾ ਵਿੱਚ ਸਿਮਰ ਭਾਰਦਵਾਜ ਦੀ ਭੂਮਿਕਾ ਅਤੇ ਕਹਾਂ ਹਮ ਕਹਾਂ ਤੁਮ ਵਿੱਚ ਸੋਨਾਕਸ਼ੀ ਰਸਤੋਗੀ ਦੀ ਭੂਮਿਕਾ ਨਿਭਾਉਣ ਲਈ ਜਾਣੀ ਜਾਂਦੀ ਹੈ। ਉਸਨੇ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਵਿਚ ਹਿੱਸਾ ਲਿਆ ਅਤੇ 2018 ਵਿਚ ਜੇਤੂ ਬਣੀ।^[3]

ਦੀਪਿਕਾ ਕੱਕੜ
ਕੱਕੜ ਲੋਇਨਜ਼ ਗੋਲਡ ਅਵਾਰਡ 'ਚ
ਜਨਮ	ਦੀਪਿਕਾ ਕੱਕੜ (1986-08-06) 6 ਅਗਸਤ 1986 (ਉਮਰ 39) ਪੁਣੇ, ਮਹਾਰਸ਼ਟਰ, ਭਾਰਤ
ਰਾਸ਼ਟਰੀਅਤਾ	ਭਾਰਤੀ
ਹੋਰ ਨਾਮ	ਫੈਜ਼ਾ[1]
ਪੇਸ਼ਾ	ਅਦਾਕਾਰਾ
ਸਰਗਰਮੀ ਦੇ ਸਾਲ	2010–ਹੁਣ
ਲਈ ਪ੍ਰਸਿੱਧ	ਸਸੁਰਾਲ ਸਿਮਰ ਕਾ ਬਿਗ ਬੌਸ 12 ਕਹਾਂ ਹਮ ਕਹਾਂ ਤੁਮ
ਜੀਵਨ ਸਾਥੀ	ਰੌਨਕ ਸੇਮਸਨ ​ ​ (ਵਿ. 2011; ਤ. 2015)​ ਸ਼ੋਇਬ ਇਬਰਾਹਿਮ ​ (ਵਿ. 2018)​

ਮੁੱਢਲਾ ਜੀਵਨ

ਦੀਪਿਕਾ ਦਾ ਜਨਮ 6 ਅਗਸਤ 1986 ਨੂੰ ਭਾਰਤ ਦੇ ਪੁਣੇ ਵਿੱਚ ਹੋਇਆ ਸੀ।^[4] ਕੱਕੜ ਨੇ ਆਪਣੀ ਸਕੂਲ ਪੱਧਰ ਦੀ ਪ੍ਰੀਖਿਆ ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ ਦੁਆਰਾ ਦਿੱਤੀ ਅਤੇ ਫਿਰ ਮੁੰਬਈ ਯੂਨੀਵਰਸਿਟੀ ਤੋਂ ਗ੍ਰੈਜੂਏਟ ਕੀਤੀ।^[5] ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਸਨੇ ਲਗਭਗ 3 ਸਾਲਾਂ ਲਈ ਜੈੱਟ ਏਅਰਵੇਜ਼ ਨਾਲ ਫਲਾਈਟ ਅਟੈਂਡੈਂਟ ਵਜੋਂ ਕੰਮ ਕਰਨਾ ਸ਼ੁਰੂ ਕੀਤਾ। ਸਿਹਤ ਦੇ ਕੁਝ ਮਸਲਿਆਂ ਕਾਰਨ ਉਸਨੇ ਅਸਤੀਫਾ ਦੇ ਦਿੱਤਾ ਅਤੇ ਮਨੋਰੰਜਨ ਉਦਯੋਗ ਵਿੱਚ ਸ਼ਾਮਿਲ ਹੋ ਗਈ।^[6]

ਨਿੱਜੀ ਜ਼ਿੰਦਗੀ

ਪਹਿਲਾ ਕੱਕੜ ਦਾ ਵਿਆਹ ਰੌਨਕ ਸੈਮਸਨ ਨਾਲ ਸਾਲ 2011 ਵਿੱਚ ਹੋਇਆ ਸੀ ਪਰ 2015 ਵਿੱਚ ਉਹ ਵੱਖ ਹੋ ਗਏ।^[7] ਫਿਰ ਉਸਨੇ 22 ਫਰਵਰੀ 2018 ਨੂੰ ਭੋਪਾਲ ਵਿੱਚ ਸਸੁਰਾਲ ਸਿਮਰ ਕਾ ਤੋਂ ਉਸਦੇ ਸਹਿ-ਅਦਾਕਾਰ ਸ਼ੋਇਬ ਇਬਰਾਹਿਮ ਨਾਲ ਵਿਆਹ ਕਰਵਾ ਲਿਆ।^[8][9] ਉਸਨੇ ਆਪਣਾ ਧਰਮ ਇਸਲਾਮ 'ਚ ਬਦਲ ਲਿਆ ਅਤੇ ਆਪਣਾ ਨਾਮ ਬਦਲ ਕੇ ਫੈਜ਼ਾ ਕਰ ਦਿੱਤਾ। ^[10]

ਕਰੀਅਰ

ਕੱਕੜ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਮੁੰਬਈ ਵਿੱਚ ਤਿੰਨ ਸਾਲਾਂ ਤੋਂ ਏਅਰ ਹੋਸਟੇਸ ਵਜੋਂ ਕੀਤੀ।^[7] ਫਿਰ ਉਸਨੇ 2010 ਵਿੱਚ 'ਨੀਰ ਭਰੇ ਤੇਰੇ ਨੈਣਾ ਦੇਵੀ' ਨਾਲ ਆਪਣੇ ਟੈਲੀਵਿਜ਼ਨ ਕਰੀਅਰ ਦੀ ਸ਼ੁਰੂਆਤ ਕੀਤੀ ਜਿੱਥੇ ਉਸਨੇ ਲਕਸ਼ਮੀ ਦੀ ਭੂਮਿਕਾ ਨਿਭਾਈ।^[11] ਫੇਰ ਉਹ ਰੇਖਾ ਦੀ ਭੂਮਿਕਾ 'ਚ 'ਅਗਲੇ ਜਨਮ ਮੋਹੈ ਬਿਟਿਆ ਹੀ ਕੀਜੋ' ਵਿੱਚ ਨਜ਼ਰ ਆਈ।^[12][13]

2011 ਤੋਂ 2017 ਤੱਕ ਉਸਨੇ ਕਲਰਜ਼ ਟੀਵੀ ਦੇ ਸ਼ੋਅ ਸਸੁਰਾਲ ਸਿਮਰ ਕਾ ਵਿੱਚ ਸਿਮਰ ਭਾਰਦਵਾਜ ਦੀ ਭੂਮਿਕਾ ਨਿਭਾਈ।^[14] 2015 ਵਿੱਚ ਕੱਕੜ ਨੇ ਸੇਲਿਬ੍ਰਿਟੀ ਡਾਂਸ ਰਿਐਲਿਟੀ ਸ਼ੋਅ ਝਲਕ ਦਿਖਲਾ ਜਾ 8 ਵਿੱਚ ਹਿੱਸਾ ਲਿਆ।^[15] 2017 ਵਿੱਚ ਉਸਨੇ ਸ਼ੋਇਬ ਇਬਰਾਹਿਮ ਨਾਲ ਸਟਾਰ ਪਲੱਸ ਦੇ ਨੱਚ ਬੱਲੀਏ 8 ਵਿੱਚ ਹਿੱਸਾ ਲਿਆ।^[16] ਉਸ ਤੋਂ ਬਾਅਦ ਉਹ ਇੰਟਰਟੈਨਮੈਂਟ ਕੀ ਰਾਤ ਵਿੱਚ ਨਜ਼ਰ ਆਈ।^[17]

2018 ਵਿੱਚ ਕੱਕੜ ਨੇ ਸਟਾਰ ਪਲੱਸ ਦੇ 'ਕਿਆਮਤ ਕੀ ਰਾਤ' ਵਿੱਚ ਸੁਹਸਿਨੀ ਠਾਕੁਰ ਦੀ ਭੂਮਿਕਾ ਨਿਭਾਈ।^[18][19] ਅਕਤੂਬਰ 2018 ਵਿਚ ਕੱਕੜ ਨੇ ਬਿੱਗ ਬੌਸ 12 ਵਿਚ ਹਿੱਸਾ ਲਿਆ।^[20][21] 30 ਦਸੰਬਰ 2018 ਨੂੰ ਉਹ ਸੀਜ਼ਨ ਦੀ ਵਿਜੈਤਾ ਬਣ ਕੇ ਉਭਰੀ।^[22][23]

2019 ਤੋਂ ਉਹ ਸਟਾਰ ਪਲੱਸ ਦੇ 'ਕਹਾਂ ਹਮ ਕਹਾਂ ਤੁਮ' ਵਿੱਚ ਕਰਨ ਗਰੋਵਰ ਦੇ ਉਲਟ ਸੋਨਾਕਸ਼ੀ ਰਸੋਤੀ ਦੀ ਭੂਮਿਕਾ ਨਿਭਾ ਰਹੀ ਹੈ।^[24]

ਟੈਲੀਵਿਜ਼ਨ

ਸਾਲ	ਸ਼ੋਅ	ਭੂਮਿਕਾ	ਨੋਟ	ਰੈਫ
2010	ਨੀਰ ਭਰੇ ਤੇਰੇ ਨੈਣਾ ਦੇਵੀ	ਲਕਸ਼ਮੀ		[25]
2011	ਅਗਲੇ ਜਨਮ ਮੋਹੇ ਬਿਟਿਆ ਹੀ ਕੀਜੋ	ਰੇਖਾ		[12]
2011–2017	ਸਸੁਰਾਲ ਸਿਮਰ ਕਾ	ਸਿਮਰ ਭਾਰਦਵਾਜ		[26]
2015	ਝਲਕ ਦਖਲਾ ਜਾ 8	ਮੁਕਾਬਲੇਬਾਜ਼		[27]
2017	ਨੱਚ ਬੱਲੀਏ 8	ਮੁਕਾਬਲੇਬਾਜ਼	ਸ਼ੋਏਬ ਇਬਰਾਹਿਮ ਨਾਲ	[28]
2017–2018	ਇੰਟਰਟੈਨਮੈਂਟ ਕੀ ਰਾਤ	ਭਾਗੀਦਾਰ		[17]
2018	ਕਿਆਮਤ ਕੀ ਰਾਤ	ਸੁਹਾਸਿਨੀ ਠਾਕੁਰ	ਕੈਮਿਓ	[29]
	ਬਿੱਗ ਬੌਸ 12	ਮੁਕਾਬਲੇਬਾਜ਼	ਜੇਤੂ	[30]
2019–2020	ਕਹਾਂ ਹਮ ਕਹਾਂ ਤੁਮ	ਸੋਨਾਕਸ਼ੀ ਰਸਤੋਗੀ		[31]

ਵਿਸ਼ੇਸ਼ ਦਿੱਖ

ਸਾਲ	ਸ਼ੋਅ	ਭੂਮਿਕਾ	ਰੈਫ
2012	ਕੈਰੀ - ਰਿਸ਼ਤਾ ਖੱਟਾ ਮਿਠਾ	ਮਹਿਮਾਨ	[32]
2014	ਬੇਇੰਤਹਾ	ਮਹਿਮਾਨ	[33]
	ਝਲਕ ਦਖਲਾ ਜਾ 7	ਮਹਿਮਾਨ	[34]
2015	ਸ਼ਾਸਤਰੀ ਸਿਸਟਰਜ	ਮਹਿਮਾਨ	[35]
	ਕਾਮੇਡੀ ਨਾਈਟਸ ਵਿਦ ਕਪਿਲ	ਮਹਿਮਾਨ	[36]
	ਸਵਰਾਗਿਨੀ - ਜੋਡੇਂ ਰਿਸ਼ਤੋਂ ਕੇ ਸੁਰ	ਮਹਿਮਾਨ	[37]
2016	ਬਾਲਿਕਾ ਵਧੂ	ਮਹਿਮਾਨ	[38]
2017	ਕੋਈ ਲੌਟ ਕੇ ਆਯਾ ਹੈ	ਡਾਂਸ ਪ੍ਰਦਰਸ਼ਨ	[39]
	ਸਾਜਨ ਰੇ ਫਿਰ ਝੂਠ ਮੱਤ ਬੋਲੋ	ਐਪੀਸੋਡਿਕ ਦਿੱਖ	[40]
	ਕੁੰਡਲੀ ਭਾਗਿਆ	ਮਹਿਮਾਨ	[41]
	ਬਿੱਗ ਬੌਸ 11	ਮਹਿਮਾਨ	[42]
2018	ਕੁਮਕੁਮ ਭਾਗਿਆ	ਮਹਿਮਾਨ	[43]
	ਬਾਕਸ ਕ੍ਰਿਕਟ ਲੀਗ 3	ਭਾਗੀਦਾਰ	[44]
2019	ਨੱਚ ਬੱਲੀਏ	ਮਹਿਮਾਨ

ਫ਼ਿਲਮਾਂ

ਸਾਲ	ਫ਼ਿਲਮ	ਭੂਮਿਕਾ	ਨੋਟ
2018	ਪਲਟਨ	ਕੈਪਟਨ ਪ੍ਰਿਥਵੀ ਸਿੰਘ ਡਗਰ ਦੀ ਮੰਗੇਤਰ	[22]

ਅਵਾਰਡ ਅਤੇ ਨਾਮਜ਼ਦਗੀ

ਸਾਲ	ਅਵਾਰਡ	ਸ਼੍ਰੇਣੀ	ਸ਼ੋਅ	ਨਤੀਜਾ	ਰੈਫ.
2015	ਇੰਡੀਅਨ ਟੈਲੀ ਅਵਾਰਡ	ਮੁੱਖ ਭੂਮਿਕਾ 'ਚ ਬੇਸਟ ਐਕਟਰਸ	ਸਸੁਰਾਲ ਸਿਮਰ ਕਾ	ਨਾਮਜ਼ਦ
	ਗੋਲਡ ਅਵਾਰਡ	ਬੇਸਟ ਜੋੜੀ (ਧੀਰਜ ਧੂਪਰ) ਨਾਲ		ਨਾਮਜ਼ਦ
		ਬੇਸਟ ਐਕਟਰ ਫ਼ੀਮੇਲ		ਨਾਮਜ਼ਦ
		ਮੋਸਟ ਫਿੱਟ ਐਕਟਰ ਫ਼ੀਮੇਲ	—	Won	[45]
2019	ਲੋਇਨਜ਼ ਗੋਲਡ ਅਵਾਰਡ	ਬੇਸਟ ਰਿਐਲਟੀ ਆਇਕਨ	ਬਿਗ ਬੌਸ 12	Won	[46]
	ਗੋਲਡ ਅਵਾਰਡ	ਬੇਸਟ ਐਕਟਰ (ਫ਼ੀਮੇਲ)	ਕਹਾਂ ਹਮ ਕਹਾਂ ਤੁਮ	ਨਾਮਜ਼ਦ