ਦੋ ਘਾਤੀ ਸਮੀਕਰਨ

ਦੋ ਘਾਤੀ ਸਮੀਕਰਨ' ਹਿਸਾਬ ਵਿੱਚ ਇੱਕ ਇੱਕ ਚਲ ਵਾਲੀ ਦੋ ਡਿਗਰੀ ਦੀ ਬਹੁਪਦੀ ਸਮੀਕਰਨ ਹੁੰਦੀ ਹੈ। ਇੱਕ ਸਧਾਰਨ ਦੋ ਘਾਤੀ ਸਮੀਕਰਨ ਨੂੰ ਇਵੇਂ ਲਿਖਿਆ ਜਾ ਸਕਦਾ ਹੈ:

${\displaystyle ax^{2}+bx+c=0,}$

ਜਿਥੇ x ਇੱਕ ਚਲ ਜਾਂ ਅਗਿਆਤ ਅੰਕ ਹੈ, ਅਤੇ a, b, ਅਤੇ c ਅਚਲ ਹਨ ਅਤੇ a 0 ਦੇ ਬਰਾਬਰ ਨਹੀਂ ਹੈ। (ਜੇ a = 0, ਤਾਂ ਸਮੀਕਰਨ ਲਕੀਰੀ ਸਮੀਕਰਨ ਹੈ) ਉੱਪਰੋਕਤ ਸਮੀਕਰਨ ਨੂੰ a ਨਾਲ ਵੰਡ ਕੇ ਮੋਨਿਕ, ਯਾਨੀ ਮੋਹਰੀ ਗੁਣਾਂਕ ਇੱਕ ਵਾਲਾ ਰੂਪ ਹੈ: ${\displaystyle x^{2}+px+q=0,}$ ਜਿਥੇ ${\displaystyle p=b/a}$ ਅਤੇ ${\displaystyle q=c/a}$।

ਦੋ ਘਾਤੀ ਸਮੀਕਰਣ ਦੇ ਮੂਲ

ਕਿਸੇ ਦੋਘਾਤੀ ਸਮੀਕਰਣ ਦੇ ਦੋ (ਵੱਖ ਹੋਣਾ ਜ਼ਰੂਰੀ ਨਹੀ) ਹੱਲ ਹੁੰਦੇ ਹਨ, ਜਿਹਨਾਂ ਨੂੰ ਦੋਘਾਤੀ ਸਮੀਕਰਣ ਦੇ ਮੂਲ ਜਾਂ ਹੱਲ ਕਹਿੰਦੇ ਹਨ ਜਿਹਨਾਂ ਨੂੰ ਸਮੀਕਰਨ- ${\displaystyle x={\frac {-b\pm {\sqrt {b^{2}-4ac}}}{2a}},}$ ਦੇ ਦੁਆਰਾ ਹਾਸਲ ਕੀਤਾ ਜਾਂਦਾ ਹੈ। ਜਿਥੇ ਚਿੰਨ੍ਹ ± ਇਹ ਦਰਸਾਉਂਦਾ ਹੈ ਕਿ

${\displaystyle x_{+}={\frac {-b+{\sqrt {b^{2}-4ac}}}{2a}}}$

ਅਤੇ

${\displaystyle \ x_{-}={\frac {-b-{\sqrt {b^{2}-4ac}}}{2a}}}$

ਦੋਨੋਂ ਹੀ ਹੱਲ ਹਨ।