ਰਾਜ ਬਾਵਾ (ਕ੍ਰਿਕਟਰ)

ਰਾਜ ਅੰਗਦ ਬਾਵਾ (ਜਨਮ 12 ਨਵੰਬਰ 2002) ਇੱਕ ਭਾਰਤੀ ਕ੍ਰਿਕਟਰ ਹੈ। ਉਸਨੇ 2021-22 ਰਣਜੀ ਟਰਾਫੀ ਵਿੱਚ ਫਰਵਰੀ 2022 ਵਿੱਚ ਚੰਡੀਗੜ੍ਹ ਲਈ ਆਪਣੀ ਪਹਿਲੀ-ਸ਼੍ਰੇਣੀ ਕ੍ਰਿਕਟ ਦੀ ਸ਼ੁਰੂਆਤ ਕੀਤੀ, ਆਪਣੀ ਪਹਿਲੀ ਗੇਂਦ ਨਾਲ ਇੱਕ ਵਿਕਟ ਲਈ।^[1] ਉਹ 2022 ਦੇ ਆਈਸੀਸੀ ਅੰਡਰ-19 ਕ੍ਰਿਕਟ ਵਿਸ਼ਵ ਕੱਪ ਅਤੇ 2021 ਏਸੀਸੀ ਅੰਡਰ-19 ਏਸ਼ੀਆ ਕੱਪ ਸਮੇਤ ਭਾਰਤ ਦੀ ਰਾਸ਼ਟਰੀ ਅੰਡਰ-19 ਕ੍ਰਿਕਟ ਟੀਮ ਲਈ ਖੇਡ ਚੁੱਕਾ ਹੈ।^{[2][3][4][5][6]}

ਮੁੱਡਲੀ ਜਿੰਦਗੀ

ਰਾਜ ਬਾਵਾ ਦਾ ਜਨਮ ਨਾਹਨ, ਹਿਮਾਚਲ ਪ੍ਰਦੇਸ਼ ਵਿੱਚ ਹੋਇਆ ਸੀ ਅਤੇ ਚੰਡੀਗੜ੍ਹ ਵਿੱਚ ਵੱਡਾ ਹੋਇਆ । ਉਹ ਤ੍ਰਿਲੋਚਨ ਸਿੰਘ ਬਾਵਾ ਦਾ ਪੋਤਾ ਹੈ, ਜੋ ਲੰਡਨ 1948 ਦੀਆਂ ਓਲੰਪਿਕ ਸੋਨ ਤਮਗਾ ਜੇਤੂ ਭਾਰਤੀ ਹਾਕੀ ਟੀਮ ਦਾ ਮੈਂਬਰ ਹੈ।^[7][8][9]

ਕੈਰੀਅਰ

ਬਾਵਾ ਨੇ ਚੰਡੀਗੜ੍ਹ ਲਈ ਅੰਡਰ-19 ਕ੍ਰਿਕਟ ਖੇਡਿਆ। ਉਸਨੇ 17 ਫਰਵਰੀ 2022 ਨੂੰ ਰਣਜੀ ਟਰਾਫੀ ਵਿੱਚ ਹੈਦਰਾਬਾਦ ਦੇ ਖਿਲਾਫ ਆਪਣੀ ਪਹਿਲੀ-ਸ਼੍ਰੇਣੀ ਦੀ ਸ਼ੁਰੂਆਤ ਕੀਤੀ, ਆਪਣੀ ਪਹਿਲੀ ਗੇਂਦ ਨਾਲ ਇੱਕ ਵਿਕਟ ਲਿਆ।^{[10][11][12][13]}ਆਪਣੀ ਸੀਨੀਅਰ ਸ਼ੁਰੂਆਤ ਕਰਨ ਤੋਂ ਪਹਿਲਾਂ, ਬਾਵਾ ਨੂੰ 2022 ਇੰਡੀਅਨ ਪ੍ਰੀਮੀਅਰ ਲੀਗ ਤੋਂ ਪਹਿਲਾਂ 2022 ਆਈਪੀਐਲ ਨਿਲਾਮੀ ਵਿੱਚ ਪੰਜਾਬ ਕਿੰਗਜ਼ ਦੁਆਰਾ ਖਰੀਦਿਆ ਗਿਆ ਸੀ।ਉਸਨੇ 27 ਮਾਰਚ 2022 ਨੂੰ 2022 ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਪੰਜਾਬ ਕਿੰਗਜ਼ ਲਈ ਆਪਣਾ ਟੀ-20 ਡੈਬਿਊ ਕੀਤਾ।^[14]