ਲਿਪੀਅੰਤਰਨ

ਲਿਪੀਅੰਤਰਨ (ਇਸਨੂੰ ਲਿਪੀਆਂਤਰਨ ਅਤੇ ਲਿਪਾਂਤਰਨ ਵੀ ਲਿਖਿਆ ਹੁੰਦਾ ਹੈ) ਕਿਸੇ ਲਿਖ਼ਤ ਨੂੰ ਇੱਕ ਲਿਪੀ 'ਚੋਂ ਕਿਸੇ ਦੂਜੀ ਲਿਪੀ ਵਿੱਚ ਬਦਲਣ ਦੀ ਵਿਧੀ ਨੂੰ ਕਿਹਾ ਜਾਂਦਾ ਹੈ।

ਮਿਸਾਲ ਦੇ ਤੌਰ ਤੇ ਪੰਜਾਬੀ ਵਾਕੰਸ਼ "ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ" ਨੂੰ ਦੇਵਨਾਗਰੀ ਲਿਪੀ ਵਿੱਚ ਕੁਝ ਇਸ ਤਰ੍ਹਾਂ ਲਿੱਖਿਆ ਜਾਵੇਗਾ, "पंजाब, पंजाबी अते पंजाबीअत"।

ਲਿਪੀਅੰਤਰਨ ਅਤੇ ਅਨੁਵਾਦ ਵਿੱਚ ਅੰਤਰ ਹੁੰਦਾ ਹੈ। ਲਿਪੀਅੰਤਰਨ ਵਿੱਚ ਉਸ ਸ਼ਬਦ ਨੂੰ ਉਵੇਂ ਹੀ ਉਚਾਰਿਆ ਜਾਂਦਾ ਹੈ ਜਿਵੇਂ ਉਹ ਹੈ, ਬਸ ਉਸਦੀ ਲਿਪੀ ਬਦਲ ਦਿੱਤੀ ਜਾਂਦੀ ਹੈ। ਜਿਵੇਂ ਕਿ 'ਅਤੇ' ਨੂੰ ਦੇਵਨਾਗਰੀ ਲਿਪੀ ਵਿੱਚ 'अते' ਲਿਖਿਆ ਜਾਵੇਗਾ। ਜਦਕਿ ਅਨੁਵਾਦ ਸਮੇਂ 'ਅਤੇ' ਨੂੰ 'और' ਲਿਖਿਆ ਜਾਂਦਾ ਹੈ।