ਸਵੇਤਲਾਨਾ ਅਲੈਕਸੇਵਿਚ

ਸਵੇਤਲਾਨਾ ਅਲੈਕਸਾਂਦਰੋਵਨਾ ਅਲੈਕਸੇਵਿਚ (ਰੂਸੀ: Светлана Александровна Алексиевич; ਬੇਲਾਰੂਸੀ: Святлана Аляксандраўна Алексіевіч; ਜਨਮ 31 ਮਈ 1948) ਇੱਕ ਬੇਲਾਰੂਸੀ ਪੱਤਰਕਾਰ, ਪੰਛੀ ਵਿਗਿਆਨੀ^[1] ਅਤੇ ਵਾਰਤਕ ਲੇਖਿਕਾ ਹੈ। ਇਸਨੂੰ 2015 ਵਿੱਚ "ਅੱਜ ਦੇ ਜ਼ਮਾਨੇ ਵਿੱਚ ਦੁੱਖ ਅਤੇ ਹਿੰਮਤ ਦੀਆਂ ਸਮਾਰਕ ਇਸਦੀਆਂ ਬਹੁਸੁਰੀ ਲਿਖਤਾਂ ਲਈ" ਸਾਹਿਤ ਲਈ ਨੋਬਲ ਇਨਾਮ ਦਿੱਤਾ ਗਿਆ।^[2][3] ਇਹ ਇਨਾਮ ਜਿੱਤਣ ਵਾਲੀ ਇਹ ਪਹਿਲੀ ਪੱਤਰਕਾਰ ਅਤੇ ਪਹਿਲੀ ਬੇਲਾਰੂਸੀ ਲੇਖਿਕਾ(ਲੇਖਕ) ਹੈ।^[4][5]

ਸਵੇਤਲਾਨਾ ਅਲੈਕਸੇਵਿਚ
2011 ਵਿੱਚ ਸਵੇਤਲਾਨਾ ਅਲੈਕਸੇਵਿਚ
ਮੂਲ ਨਾਮ	Святлана Аляксандраўна Алексіевіч
ਜਨਮ	ਸਵੇਤਲਾਨਾ ਅਲੈਕਸਾਂਦਰੋਵਨਾ ਅਲੈਕਸੇਵਿਚ (1948-05-31) ਮਈ 31, 1948 (ਉਮਰ 77) ਸਤਾਨੀਸਲਾਵ, ਯੂਕਰੇਨੀ ਐਸਐਸਆਰ, ਸੋਵੀਅਤ ਯੂਨੀਅਨ
ਕਿੱਤਾ	ਪੱਤਰਕਾਰ ਲੇਖਕ
ਭਾਸ਼ਾ	ਰੂਸੀ
ਰਾਸ਼ਟਰੀਅਤਾ	ਬੇਲਾਰੂਸੀ
ਪ੍ਰਮੁੱਖ ਅਵਾਰਡ	ਸਾਹਿਤ ਲਈ ਨੋਬਲ ਇਨਾਮ (2015) ਜਰਮਨ ਬੁੱਕ ਟਰੇਡ ਦਾ ਸ਼ਾਂਤੀ ਪੁਰਸਕਾਰ (2013) ਮੇਦੇਸਿਸ ਇਨਾਮ (2013)
ਵੈੱਬਸਾਈਟ
http://alexievich.info/indexEN.html

ਜੀਵਨ

ਇਸਦਾ ਜਨਮ ਯੂਕਰੇਨ ਦੇ ਸ਼ਹਿਰ ਸਤਾਨੀਸਲਾਵ(ਜਿਸਦਾ ਨਾਂ 1962 ਤੋਂ ਬਾਅਦ ਇਵਾਨੋ-ਫ਼ਰਾਂਕੀਵਸਕ ਹੈ) ਵਿੱਚ ਇੱਕ ਬੇਲਾਰੂਸੀ ਪਿਤਾ ਅਤੇ ਯੂਕਰੇਨੀ ਮਾਂ ਦੇ ਘਰ ਹੋਇਆ। ਇਹ ਬੇਲਾਰੂਸ ਵਿੱਚ ਵੱਡੀ ਹੋਈ। ਸਕੂਲ ਦੀ ਪੜ੍ਹਾਈ ਕਰਨ ਤੋਂ ਬਾਅਦ ਇਸਨੇ ਕਈ ਸਥਾਨਕ ਅਖ਼ਬਾਰਾਂ ਵਿੱਚ ਪੱਤਰਕਾਰ ਵਜੋਂ ਕੰਮ ਕੀਤਾ ਅਤੇ ਬਾਅਦ ਵਿੱਚ ਇਸਨੇ ਮਿੰਸਕ ਵਿਖੇ ਨੇਮਾਨ ਨਾਂ ਦੇ ਸਾਹਿਤਕ ਰਸਾਲੇ ਵਿੱਚ ਨਾਮਾਨਿਗਾਰ ਵਜੋਂ ਕੰਮ ਕੀਤਾ।^[6]

ਸਾਹਿਤਕ ਕੰਮ

ਇਸਦੀਆਂ ਕਿਤਾਬਾਂ ਨੂੰ ਸੋਵੀਅਤ ਅਤੇ ਉੱਤਰ-ਸੋਵੀਅਤ ਵਿਅਕਤੀ ਦੇ ਭਾਵੁਕ ਇਤਿਹਾਸ ਦਾ ਸਾਹਿਤਕ ਰੋਜ਼ਨਾਮਚਾ ਹੈ ਜਿਸ ਵਿੱਚ ਉਸਨੇ ਕਈ ਇੰਟਰਵਿਊ ਸ਼ਾਮਿਲ ਕੀਤੇ ਹਨ।^[7] ਇਸਦੀਆਂ ਸਭ ਤੋਂ ਮਸ਼ਹੂਰ ਲਿਖਤਾਂ ਵਿੱਚ "ਜ਼ਿੰਕੀ ਬੋਇਜ਼:ਸੋਵੀਅਤ ਵੋਆਇਸਿਜ਼ ਫ਼ਰੌਮ ਅ ਫ਼ੋਰਗੌਟਨ ਵਾਰ" ਹੈ ਜਿਸ ਅਫ਼ਗ਼ਾਨਿਸਤਾਨ ਦੀ ਜੰਗ ਨਾਲ ਸਬੰਧਿਤ ਬਿਰਤਾਂਤ ਸ਼ਾਮਿਲ ਹਨ ਅਤੇ ਇਸਦੇ ਨਾਲ ਹੀ ਚੇਰਨੋਬਿਲ ਆਫ਼ਤ ਨਾਲ ਸਬੰਧਿਤ "ਵੋਆਇਸਿਜ਼ ਫ਼ਰੌਮ ਚੇਰਨੋਬਿਲ" ਹੈ।

ਇਸਦੀ ਪਹਿਲੀ ਕਿਤਾਬ "ਵਾਰਜ਼ ਅਨਵੂਮਨਲੀ ਫ਼ੇਸ" 1985 ਵਿੱਚ ਛਪੀ। ਇਹ ਕਿਤਾਬ ਕਈ ਵਾਰ ਛੱਪ ਚੁੱਕੀ ਹੈ ਅਤੇ ਇਸਦੀਆਂ 20 ਲੱਖ ਤੋਂ ਵੱਧ ਕਾਪੀਆਂ ਵਿਕ ਚੁੱਕੀਆਂ ਹਨ।^[8] ਇਸ ਕਿਤਾਬ ਵਿੱਚ ਔਰਤਾਂ ਵੱਲੋਂ ਦੂਜੇ ਵਿਸ਼ਵ ਯੁੱਧ ਦੇ ਅਜਿਹੇ ਪੱਖਾਂ ਬਾਰੇ ਗੱਲਾਂ ਸ਼ਾਮਲ ਹਨ ਜਿਹਨਾਂ ਬਾਰੇ ਪਹਿਲਾਂ ਕਦੇ ਗੱਲ ਨਹੀਂ ਹੋਈ।

ਸਨਮਾਨ

ਇਸਨੂੰ ਕਈ ਮੱਹਤਵਪੂਰਨ ਸਨਮਾਨ ਮਿਲੇ ਹਨ ਜਿਵੇਂ ਕਿ:

• 1997 ਆਂਡਰੇ ਸੀਨਿਆਵਸਕੀ ਇਨਾਮ^[9][10]
• 1999 ਹਰਡਰ ਇਨਾਮ
• 2013 ਜਰਮਨ ਬੁੱਕ ਟਰੇਡ ਦਾ ਸ਼ਾਂਤੀ ਪੁਰਸਕਾਰ^[11]
• 2015 ਸਾਹਿਤ ਲਈ ਨੋਬਲ ਇਨਾਮ^[12]