ਸਿਆਣਿਆਂ ਦੇ ਤੋਹਫ਼ੇ

ਸਿਆਣਿਆਂ ਦੇ ਤੋਹਫੇ (The Gift of the Magi, ਦ ਗਿਫਟ ਆਫ਼ ਦ ਮੈਜਈ) ਓ ਹੈਨਰੀ (ਵਿਲੀਅਮ ਸਿਡਨੀ ਪੋਰਟਰ ਦਾ ਕਲਮੀ ਨਾਮ) ਦੀ ਇੱਕ ਨਵ ਵਿਆਹੀ ਪ੍ਰੇਮ ਭਿੱਜੀ ਜੋੜੀ ਬਾਰੇ ਲਿਖੀ ਕਹਾਣੀ ਹੈ ਕਿ ਉਹ ਬਹੁਤ ਘੱਟ ਪੈਸਿਆਂ ਦੀ ਸਥਿਤੀ ਵਿੱਚ ਇੱਕ ਦੂਜੇ ਲਈ ਕ੍ਰਿਸਮਸ ਤੋਹਫ਼ੇ ਖਰੀਦਣ ਲਈ ਕੈਸੀ ਸਿਆਣਪ ਦਾ ਇਸਤੇਮਾਲ ਕਰਦੇ ਹਨ..। ਤੋਹਫ਼ੇ ਦੇਣ ਬਾਰੇ ਸਿੱਖਿਆਦਾਇਕ ਵਲਵਲੇ ਭਰਪੂਰ ਕਹਾਣੀ ਹੋਣ ਨਾਤੇ ਇਹ ਕ੍ਰਿਸਮਸ ਮੌਕੇ ਨਾਟਕੀ ਰੂਪਾਂਤਰਣ ਖਾਤਰ ਬਹੁਤ ਮਸ਼ਹੂਰ ਹੋ ਗਈ। ਪਲਾਟ ਅਤੇ ਇਹਦਾ "ਪੇਚਦਾਰ ਅੰਤ" ਸਰਬ ਪ੍ਰਸਿਧ ਹਨ, ਅਤੇ ਅੰਤ ਨੂੰ ਤਾਂ ਆਮ ਤੌਰ ਤੇ ਕਾਸਮਿਕ ਆਇਰਨੀ ਮੰਨਿਆ ਜਾਂਦਾ ਹੈ। ਕਹਿੰਦੇ ਹਨ ਕਿ ਇਹ ਨਿਊਯਾਰਕ ਸਿਟੀ ਦੇ ਇਰਵਿੰਗ ਪਲੇਸ ਤੇ ਪੀਟ ਦੇ ਅਹਾਤੇ ਵਿੱਚ ਲਿਖੀ ਗਈ ਸੀ।^[2][3] ਇਹ ਕਹਾਣੀ "ਗਿਫਟਸ ਆਫ਼ ਮੈਜਈ" ਨਾਂ ਹੇਠ 10 ਦਸੰਬਰ 1905 'ਦ ਨਿਊਯਾਰਕ ਵਰਲਡ', ਅਖਬਾਰ ਦੇ ਐਤਵਾਰ ਅਡੀਸ਼ਨ ਵਿੱਚ ਅਤੇ ਫਿਰ 10 ਅਪਰੈਲ 1906 ਨੂੰ ਓ ਹੈਨਰੀ ਦੇ ਕਹਾਣੀ ਸੰਗ੍ਰਹਿ 'ਦ ਫ਼ੋਰ ਮਿਲੀਅਨ' ਵਿੱਚ ਕਿਤਾਬ ਦੇ ਰੂਪ ਵਿੱਚ ਛਪੀ ਸੀ।

"ਸਿਆਣਿਆਂ ਦੇ ਤੋਹਫੇ"
ਲੇਖਕ ਓ ਹੈਨਰੀ
ਤਸਵੀਰ:The Gift of the Magi.jpg
ਮੂਲ ਸਿਰਲੇਖ	The Gift of the Magi
ਅਨੁਵਾਦਕ	ਪ੍ਰੋ. ਹਰਪਾਲ ਸਿੰਘ ਪੰਨੂ
ਦੇਸ਼	ਯੂਨਾਇਟਡ ਸਟੇਟਸ
ਭਾਸ਼ਾ	ਅੰਗਰੇਜ਼ੀ
ਵੰਨਗੀ	ਨਿੱਕੀ ਕਹਾਣੀ
ਪ੍ਰਕਾਸ਼ਨ	ਦ ਫ਼ੋਰ ਮਿਲੀਅਨ ਕਹਾਣੀ ਸੰਗ੍ਰਹਿ ਵਿੱਚ
ਪ੍ਰਕਾਸ਼ਨ ਮਿਤੀ	10 ਦਸੰਬਰ 1905 (ਅਖਬਾਰ);10 ਅਪਰੈਲ 1906 (ਕਿਤਾਬ)[1]

ਨੌਜਵਾਨ ਪੋਰਟਰ ਔਸਟਿਨ ਵਿੱਚ

ਸਾਰ

ਮਿਸਟਰ ਯਾਕੂਬ ਡਿਲਿੰਘਮ (ਨੌਜਵਾਨ ਜਿਮ) ਅਤੇ ਉਸ ਦੀ ਪਤਨੀ, ਡੇਲਾ, ਇੱਕ ਸਾਦੇ ਅਪਾਰਟਮੈਂਟ ਵਿੱਚ ਰਹਿੰਦੇ ਹਨ। ਉਨ੍ਹਾਂ ਕੋਲ ਮਾਣ ਕਰਨ ਵਾਲੀਆਂ ਸਿਰਫ ਦੋ ਕੀਮਤੀ ਚੀਜ਼ਾਂ ਹਨ: ਡੈਲਾ ਦੇ ਸੁੰਦਰ ਲੰਬੇ ਵਾਲ, ਜੋ ਲਗਪਗ ਉਸ ਦੇ ਗੋਡਿਆਂ ਨੂੰ ਛੂੰਹਦੇ ਹਨ, ਅਤੇ ਜਿਮ ਦੀ ਚਮਕਦਾਰ ਸੋਨੇ ਦੀ ਘੜੀ, ਜਿਹੜੀ ਉਸ ਦੇ ਪਿਤਾ ਅਤੇ ਅੱਗੋਂ ਦਾਦੇ ਦੀ ਸੀ।