ਸੀਤਾ ਰਾਮਮ

ਸੀਤਾ ਰਾਮਮ ਇੱਕ 2022 ਦੀ ਭਾਰਤੀ ਤੇਲਗੂ-ਭਾਸ਼ਈ ਸੰਗੀਤਕ ਰੋਮਾਂਟਿਕ ਡਰਾਮਾ ਫਿਲਮ ਹੈ ਜਿੜ੍ਹੀ ਹਾਨੂੰ ਰਾਘਵ ਪੁੱਡੀ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ ਅਤੇ ਵਿਜੈਅੰਤੀ ਮੂਵੀਜ਼ ਅਤੇ ਸਵਪਨਾ ਸਿਨੇਮਾ ਦੁਆਰਾ ਨਿਰਮਿਤ ਹੈ। ਫਿਲਮ ਵਿੱਚ ਦੁਲਕਰ ਸਲਮਾਨ, ਮ੍ਰਿਣਾਲ ਠਾਕੁਰ (ਉਸਦੀ ਤੇਲਗੂ ਡੈਬਿਊ ਵਿੱਚ), ਰਸ਼ਮੀਕਾ ਮੰਡੰਨਾ ਅਤੇ ਸੁਮੰਥ ਦੀ ਅਦਾਕਾਰੀ ਹੈ।

ਸੀਤਾ ਰਾਮਮ
ਥੀਏਟਰ ਰਿਲੀਜ਼ ਪੋਸਟਰ
ਨਿਰਦੇਸ਼ਕ	ਹਨੂੰ ਰਾਘਵ ਪੁੱੜੀ
ਲੇਖਕ	ਹਨੂੰ ਰਾਘਵ ਪੁੱੜੀ ਰਾਜ ਕੁਮਾਰ ਕੰਡਾ ਮੁੱੜੀ ਜੈ ਕ੍ਰਿਸ਼ਨ
ਨਿਰਮਾਤਾ	ਅਸਵਾਨੀ ਦੱਤ
ਸਿਤਾਰੇ	ਦੁਲਕਰ ਸਲਮਾਨ ਮ੍ਰਿਣਾਲ ਠਾਕੁਰ ਰਸ਼ਮੀਕਾ ਮੰਡਾਨਾ ਸੁਮੰਥ
ਰਿਲੀਜ਼ ਮਿਤੀ	5 ਅਗਸਤ 2022 (2022-08-05)
ਮਿਆਦ	163 ਮਿੰਟ[1]
ਦੇਸ਼	ਭਾਰਤ
ਭਾਸ਼ਾ	ਤੇਲੁਗੂ
ਬਜਟ	30 ਕਰੋੜ[2][3]
ਬਾਕਸ ਆਫ਼ਿਸ	ਅੰਦਾ. 80 ਕਰੋੜ[4]

ਕਹਾਣੀ

1964 ਵਿੱਚ, ਮੁਜਾਹਿਦੀਨ ਨਾਮਕ ਪਾਕਿਸਤਾਨੀ ਕੱਟੜਪੰਥੀ, ਕਸ਼ਮੀਰੀ ਮੁਸਲਮਾਨਾਂ ਅਤੇ ਹਿੰਦੂਆਂ ਵਿਚਕਾਰ ਸ਼ਾਂਤੀਪੂਰਨ ਰਿਸ਼ਤੇ ਨੂੰ ਪਸੰਦ ਨਹੀਂ ਕਰਦਾ। ਉਹ ਸ਼ਾਂਤੀ ਨੂੰ ਤੋੜਨ ਅਤੇ ਉਨ੍ਹਾਂ ਵਿਚਕਾਰ ਤਣਾਅ ਦਾ ਮਹੌਲ ਪੈਦਾ ਕਰਨ ਦੀ ਯੋਜਨਾ ਬਣਾਉਂਦਾ ਹੈ। ਉਸ ਦਾ ਪੱਕਾ ਮੰਨਣਾ ਹੈ ਕਿ ਭਾਰਤੀ ਫੌਜ ਹੀ ਏਕਤਾ ਦਾ ਕਾਰਨ ਹੈ। ਉਹ ਪਾਕਿਸਤਾਨ ਵਿੱਚ ਨੌਜਵਾਨਾਂ ਦਾ ਸਹਾਰਾ ਲੈਂਦਾ ਹੈ ਅਤੇ ਉਨ੍ਹਾਂ ਨੂੰ ਕਸ਼ਮੀਰ ਭੇਜਦਾ ਹੈ। ਉਹ ਆਪਣੀਆਂ ਯੋਜਨਾਵਾਂ ਨੂੰ ਕਾਮਿਆਬ ਕਰਨ ਲਈ ਉਨ੍ਹਾਂ ਨੌਜਵਾਨਾਂ ਨੂੰ ਭੇਸ ਵਿੱਚ ਰਹਿਣ ਦੀ ਸਲਾਹ ਦਿੰਦਾ ਹੈ।

ਸਮੀਖਿਆਵਾਂ

ਸੀਤਾ ਰਾਮਮ ਨੂੰ ਅਲੋਚਕਾਂ ਤੋਂ ਸਕਾਰਾਤਮਕ ਸਮੀਖਿਆਵਾਂ ਪ੍ਰਾਪਤ ਹੋਈਆਂ।^[5] ਦ ਟਾਈਮਜ਼ ਆਫ਼ ਇੰਡੀਆ ਦੀ ਨੀਸ਼ੀਤਾ ਨਿਆਪਤੀ ਨੇ ਫ਼ਿਲਮ ਨੂੰ 5 ਵਿੱਚੋਂ 3.5 ਸਿਤਾਰਿਆਂ ਦਾ ਦਰਜਾ ਦਿੱਤਾ ਅਤੇ ਲਿਖਿਆ, "ਸੀਤਾ ਰਾਮਮ ਦੇ ਨਾਲ, ਹਨੂੰ ਇੱਕ ਅਜਿਹੀ ਕਹਾਣੀ ਪੇਸ਼ ਕਰਨ ਦਾ ਪ੍ਰਬੰਧ ਕਰਦੀ ਹੈ ਜੋ ਚਲਦੀ ਹੈ ਅਤੇ ਇੱਕ ਅਜਿਹੀ ਫ਼ਿਲਮ ਜੋ ਦ੍ਰਿਸ਼ਟੀਗਤ ਰੂਪ ਵਿੱਚ ਸੁਹਜ ਅਤੇ ਪ੍ਰਸੰਨ ਹੈ"।^[6] ਡੇਕਨ ਹੇਰਾਲਡ ਦੇ ਜੈਦੀਪ ਜਯੇਸ਼ ਨੇ ਫਿਲਮ ਨੂੰ 5 ਵਿੱਚੋਂ 3.5 ਸਿਤਾਰਿਆਂ ਦਾ ਦਰਜਾ ਦਿੱਤਾ ਅਤੇ ਲਿਖਿਆ, "ਸੀਤਾ ਰਾਮਮ ਬਾਲੀਵੁੱਡ ਕਲਾਸਿਕ ਵੀਰ ਜ਼ਾਰਾ ਨਾਲ ਆਪਣੀ ਰੂਹ ਨੂੰ ਸਾਂਝਾ ਕਰਦੀ ਹੈ। ਫਿਰ ਵੀ, ਇਹ ਆਪਣੀ ਵੱਖਰੀ ਪਛਾਣ ਬਣਾਈ ਰੱਖਦਾ ਹੈ"।^[7] Idlebrain.com ਦੇ ਜੀਵੀ ਨੇ ਫਿਲਮ ਨੂੰ 5 ਵਿੱਚੋਂ 3 ਸਿਤਾਰਿਆਂ ਦਾ ਦਰਜਾ ਦਿੱਤਾ ਅਤੇ ਲਿਖਿਆ, "ਸਮੁੱਚੇ ਤੌਰ 'ਤੇ, ਸੀਤਾ ਰਾਮਮ ਸਦੀਵੀ ਪਿਆਰ ਦੀ ਇੱਕ ਸ਼ਾਨਦਾਰ ਕਹਾਣੀ ਹੈ"।^[8] ਫਸਟਪੋਸਟ ਦੀ ਪ੍ਰਿਯੰਕਾ ਸੁੰਦਰ ਨੇ ਫਿਲਮ ਨੂੰ 5 ਵਿੱਚੋਂ 3 ਸਿਤਾਰੇ ਦਿੱਤੇ ਅਤੇ ਫਿਲਮ ਨੂੰ "ਪਿਆਰ ਅਤੇ ਨੁਕਸਾਨ ਦੀ ਇੱਕ ਸੁੰਦਰ ਕਹਾਣੀ" ਕਿਹਾ।^[9] ਦ ਕੁਇੰਟ ਦੀ ਸੌਂਦਰਿਆ ਅਥਿਮੁਥੂ ਨੇ ਫਿਲਮ ਨੂੰ 5 ਵਿੱਚੋਂ 2.5 ਸਿਤਾਰੇ ਦਿੱਤੇ ਅਤੇ ਲਿਖਿਆ, "ਸੀਤਾ ਰਾਮਮ ਸਮਾਜਿਕ-ਰਾਜਨੀਤਿਕ ਸੰਦੇਸ਼ਾਂ ਨਾਲ ਭਰੀ ਇੱਕ ਪ੍ਰਭਾਵਸ਼ਾਲੀ ਪ੍ਰੇਮ ਕਹਾਣੀ ਪੇਸ਼ ਕਰਦੀ ਹੈ"।^[10]

ਬਾਕਸ ਆਫਿਸ

ਆਪਣੇ ਸ਼ੁਰੂਆਤੀ ਦਿਨ, ਸੀਤਾ ਰਾਮਮ ਨੇ ਦੁਨੀਆਂ ਭਰ ਵਿੱਚ 5.25 ਕਰੋੜ ਦੀ ਕੁੱਲ ਕਮਾਈ ਕੀਤੀ।^[11] ਉਸੇ ਦਿਨ, ਇਸਨੇ US ਬਾਕਸ ਆਫਿਸ 'ਤੇ $400K ਦੀ ਕੁੱਲ ਕਮਾਈ ਕੀਤੀ।^[12] ਨੌਂ ਦਿਨਾਂ ਵਿੱਚ, ਫਿਲਮ ਨੇ ਸੰਯੁਕਤ ਰਾਜ ਦੇ ਬਾਕਸ ਆਫਿਸ 'ਤੇ ਕੁੱਲ $1 ਮਿਲੀਅਨ ਦੀ ਕਮਾਈ ਕੀਤੀ ਹੈ।^[13] ਫਿਲਮ ਨੇ 10 ਦਿਨਾਂ ਵਿੱਚ ਦੁਨੀਆਂ ਭਰ ਵਿੱਚ 50 ਕਰੋੜ ਦੀ ਕਮਾਈ ਕੀਤੀ, ਅਤੇ ਬਾਕਸ ਆਫਿਸ 'ਤੇ ਇੱਕ ਵਪਾਰਕ ਸਫਲਤਾ ਵਜੋਂ ਉਭਰੀ।^[14]