ਹਰਜੀਤ ਹਰਮਨ

ਹਰਜੀਤ ਹਰਮਨ ਦਾ ਜਨਮ 14 ਅਕਤੂਬਰ, 1975 ਨੂੰ ਪਿੰਡ ਦੋਦਾ^[1] ਜ਼ਿਲ੍ਹਾ ਪਟਿਆਲਾ ਵਿਖੇ ਹੋਇਆ। ਉਸ ਨੇ ਆਪਣੀ ਜ਼ਿੰਦਗੀ ਦੀ ਹਰ ਮੰਜ਼ਿਲ ਬੜੇ ਤਰੱਦਦ ਨਾਲ ਸਰ ਕੀਤੀ ਹੈ। ਹਰਜੀਤ ਹਰਮਨ ਨੇ ਅਕਾਲ ਕਾਲਜ ਮਸਤੂਆਣਾ ਸਾਹਿਬ (ਸੰਗਰੂਰ) ਵਿਖੇ ਡੀਫਾਰਮੇਸੀ ਕੀਤੀ। ਫਿਰ ਈਟੀਟੀ ਕੀਤੀ।

ਹਰਜੀਤ ਹਰਮਨ
ਜਨਮ	(1975-07-14) ਜੁਲਾਈ 14, 1975 (ਉਮਰ 49)
ਮੂਲ	ਪਿੰਡ ਦੋਦਾ ਨੇੜੇ ਨਾਭਾ ਜ਼ਿਲ੍ਹਾ ਪਟਿਆਲਾ
ਵੰਨਗੀ(ਆਂ)	ਪੰਜਾਬੀ, ਭੰਗੜਾ, ਪਿਆਰ ਗੀਤ, ਪੌਪ ਸੰਗੀਤ
ਕਿੱਤਾ	ਗਾਇਕ
ਸਾਲ ਸਰਗਰਮ	1999-ਹੁਣ
ਵੈਂਬਸਾਈਟ	www.harjitharman.com

ਗਾਇਕੀ

ਪਰਗਟ ਸਿੰਘ ਇੱਕ ਪੰਜਾਬੀ ਅਖ਼ਬਾਰ ਦਾ ਪੱਤਰਕਾਰੀ ਨੂੰ ਹਰਮਨ ਮਿਲਿਆ। ਪਰਗਟ ਸਿੰਘ ਨੇ ਹਰਮਨ ਨੂੰ ਖ਼ਾਸ ਤਵੱਜੋਂ ਦਿੱਤੀ। ਰਿਕਾਰਡਿੰਗ ਦੌਰਾਨ ਹੀ ਹਰਜੀਤ ਦੇ ਨਾਂ ਨਾਲ ‘ਹਰਮਨ’ ਤਖ਼ੱਲਸ ਜੁੜ ਗਿਆ। ਪਲੇਠੀ ਟੇਪ ‘ਕੁੜੀ ਚਿਰਾਂ ਤੋਂ ਵਿੱਛੜੀ’ ਐਚਐਮਵੀ ਨੇ ਰਿਲੀਜ਼ ਕੀਤੀ। ਇਸ ਟੇਪ ਦਾ ਟਾਈਟਲ ਗੀਤ ਜਲੰਧਰ ਦੂਰਦਰਸ਼ਨ ਤੋਂ ਪ੍ਰਸਾਰਿਤ ਹੁੰਦੇ ਪ੍ਰੋਗਰਾਮ ‘ਸੰਦਲੀ ਪੈੜਾਂ’ ਵਿੱਚ ਚੱਲਿਆ ਤਾਂ ਲੋਕਾਂ ਨੂੰ ਹਰਮਨ ਦੀ ਆਵਾਜ਼ ਵਿਚਲੀ ਕਸ਼ਿਸ਼ ਕਾਫ਼ੀ ਹੱਦ ਤਕ ਮੁਤਾਸਿਰ ਕਰ ਗਈ। ਮਿਹਨਤ ਕਰਦਿਆਂ-ਕਰਾਉਂਦਿਆਂ ਗੱਲ ‘ਪੰਜੇਬਾਂ’ ਐਲਬਮ ਨੇ ਸਿਰੇ ਲਾ ਦਿੱਤੀ। ‘ਜਿੱਥੋਂ ਮਰਜ਼ੀ ਵੰਗਾਂ ਚੜ੍ਹਵਾ ਲਈਂ ਮਿੱਤਰਾਂ ਦਾ ਨਾਂ ਚੱਲਦੈ’ ਗੀਤ ਨੇ ਜਿੱਥੇ ਦੁਨੀਆ ਭਰ ਵਿੱਚ ਹਰਮਨ ਦੀ ਗਾਇਕੀ ਦਾ ਝੰਡਾ ਲਹਿਰਾ ਦਿੱਤਾ, ਉੱਥੇ ਪੱਤਰਕਾਰ ਪਰਗਟ ਸਿੰਘ ਇੱਕ ਸੂਖ਼ਮ ਗੀਤਕਾਰ ਵਜੋਂ ਆਪਣੀ ਸਾਖ਼ ਬਣਾਉਣ ਵਿੱਚ ਕਾਮਯਾਬ ਹੋ ਗਿਆ। ਹਰਜੀਤ ਹਰਮਨ ਦੇ ਕਈ ਗੀਤ ਕਿਸੇ ਅੱਲ੍ਹੜ ਮੁਟਿਆਰ ਦੇ ਨੈਣਾਂ ਵਿੱਚ ਸੁੱਤੇ ਸੁਪਨਿਆਂ ਦੀ ਤਰਜਮਾਨੀ ਵੀ ਕਰਦੇ ਨੇ ਪਰ ਉਨ੍ਹਾਂ ਦੀ ਪੇਸ਼ਕਾਰੀ ਬੜੀ ਸਲੀਕੇਦਾਰ ਹੁੰਦੀ ਹੈ। ਖ਼ਾਸ ਗੱਲ ਹਰਮਨ ਦੀ ਇਹ ਵੀ ਹੈ ਕਿ ਉਹ ਆਪਣੀ ਗਾਇਕੀ ਤਕ ਸੀਮਤ ਹੈ। ਗੀਤਾਂ ਦੀ ਚੋਣ ਕਰਨਾ ਪਰਗਟ ਸਿੰਘ ਦੀ ਜ਼ਿੰਮੇਵਾਰੀ ਹੈ। ਹਰਜੀਤ ਹਰਮਨ, ਪਰਗਟ ਤੇ ਸੰਗੀਤਕਾਰ ਅਤੁੱਲ ਸ਼ਰਮਾ ਹਮੇਸ਼ਾ ਆਪਣਾ ਤਵਾਜ਼ਨ ਬਣਾ ਕੇ ਚੱਲਦੇ ਰਹੇ ਹਨ।

ਫਿਲਮੀ ਸਫ਼ਰ

ਹਰਮਨ ਨੂੰ ਬੱਬੂ ਮਾਨ ਨੇ ਆਪਣੀ ਫ਼ਿਲਮ ‘ਦੇਸੀ ਰੋਮੀਓਜ਼’ ਅਦਾਕਾਰੀ ਦਾ ਮੌਕਾ ਦਿੱਤਾ ਸੀ, ਜਿਸ ਵਿੱਚ ਉਹ ਕਾਮਯਾਬ ਰਿਹਾ। ਹੁਣ ਉਸ ਦੀ ਬਤੌਰ ਹੀਰੋ ਭਗਵੰਤ ਮਾਨ ਤੇ ਰਵਿੰਦਰ ਗਰੇਵਾਲ ਨਾਲ ‘ਮੋਗਾ ਟੂ ਮੈਲਬਰਨ ਵਾਇਆ ਚੰਡੀਗੜ੍ਹ’ ਫਿਲਮ ਆ ਰਹੀ ਹੈ।

ਫਿਲਮਾਂ

ਸਾਲ	ਫ਼ਿਲਮ	ਰੋਲ	ਵਿਸ਼ੇਸ਼	ਰਿਕਾਰਡ ਲੇਬਲ	ਸੰਗੀਤ
2013	ਮੋਗਾ ਟੂ ਮੈਲਬਾਰਨ ਵਾਇਆ ਚੰਡੀਗੜ੍ਹ		ਅਜ਼ੂਰੇ ਨਿਰਮਾਣAzure Productions
2012	ਰੌਲਾ ਪੈ ਗਿਆ	ਮਹਿਮਾਨ ਕਲਾਕਾਰ	ਰਵਿੰਦਰ ਗਰੇਵਾਲ ਨਾਲ	ਗੋਇਲ ਸੰਗੀਤ	ਰਵਿੰਦਰ ਗਰੇਵਾਲ
2012	ਦੇਸੀ ਰੋਮੀਓ	ਸੰਧੂ	ਬੱਬੂ ਮਾਨ ਅਤੇ ਭੂਪਿੰਦਰ ਗਿੱਲ ਦੇ ਨਾਲ	ਪੋਇੰਟ ਜ਼ੀਰੋ	ਬੱਬੂ ਮਾਨ
2009	ਤੇਰਾ ਮੇਰਾ ਕੀ ਰਿਸ਼ਤਾ	ਮਹਿਮਾਨ ਗੀਤ	ਪੱਮੀ ਬਾਈ ਅਤੇ ਲਹਿੰਬਰ ਹੁਸ਼ੈਨਪੁਰੀ ਦੇ ਨਾਲ	ਟਿਪਸ ਇੰਡਸਟ੍ਰੀਜ਼	ਜੈਦੇਵ ਕੁਮਾਰ

ਐਲਬਮਾਂ

ਸਾਲ	ਐਲਬਮ	ਰਿਕਾਰਡ ਲੇਬਲ	ਟ੍ਰੈਕ	ਸੰਗੀਤ
2012	ਝਾਂਜਰ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2010	ਸ਼ਾਨ-ਏ-ਕੌਮ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2009	ਹੂਰ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2007	ਮੂੰਦਰੀ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2005	ਸਿੰਘ ਸੂਰਮੇ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2004	ਪੰਜੇਬਾਂ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2003	ਮੁਟਿਆਰ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
2002	ਤੇਰੇ ਪੈਣ ਭੁਲੇਖੇ	ਟੀ ਸੀਰੀਜ਼	ਟ੍ਰੈਕ 8	ਅਤੁਲ ਸ਼ਰਮਾ
2001	ਜ਼ੰਜੀਰੀ	ਟੀ ਸੀਰੀਜ਼	ਟ੍ਰੈਕ 9	ਅਤੁਲ ਸ਼ਰਮਾ
1999	ਕੁੜੀ ਚਿਰਾਂ ਤੋਂ ਵਿਛੜੀ	ਸਾਰੇਗਾਮਾ, ਐਚ.ਐਮ.ਟੀ	ਟ੍ਰੈਕ 8	ਅਲੀ ਪੋਸਲੇ

ਗੀਤ

• "ਅਵਾਜ਼ਾ " (ਐਲਬਮ: Jhanjhar)
• "ਪੰਜਾਬੀ ਉਜੜਨ ਵਾਲੇ " (ਐਲਬਮ: ਸ਼ਾਨ-ਏ-ਕੌਮ)
• "ਹੂਰ" (ਐਲਬਮ: ਹੂਰ)
• "ਮੁੰਦਰੀ" (ਐਲਬਮ: ਮੁੰਦਰੀ)
• "ਪੰਜੇਬਾਂ" (ਐਲਬਮ: ਪੰਜੇਬਾਂ)
• "ਸਾਜ਼ਨ ਮਿਲਾਦੇ" (ਐਲਬਮ: ਹੂਰ")
• "ਜੋਗੀ" (ਐਲਬਮ: ਮੁੰਦਰੀ")
• "ਚੰਡੋਲ" (ਐਲਬਮ: ਮੁੰਦਰੀ)
• "ਜੱਟਾਂ ਦੇ ਪੁੱਤ" (ਐਲਬਮ: ਪੰਜੇਬਾਂ)
• "ਦਿਲ ਮਰਜਾਣੇ ਨੂੰ" (ਐਲਬਮ: ਪੰਜੇਬਾਂ)
• "ਪਟਾਰੀ" (ਐਲਬਮ: ਤੇਰੇ ਪੈਣ ਭੁਲੇਖੇ)
• "ਚਰਖਾ" (ਐਲਬਮ: ਤੇਰੇ ਪੈਣ ਭੁਲੇਖੇ)
• "ਤੇਰੀ ਯਾਦ" (ਐਲਬਮ: ਜ਼ੰਜੀਰੀ)
• "ਮਿੱਤਰਾਂ ਦਾ ਨਾ ਚਲਦਾ" (ਐਲਬਮ: ਪੰਜੇਬਾਂ)
• "ਗੱਲ ਦਿਲ ਦੀ" (ਐਲਬਮ: ਹੂਰ)
• "ਨੋਟੇ" (ਐਲਬਮ: ਹੂਰ)

ਪ੍ਰਾਪਤੀਆਂ ਅਤੇ ਪੁਰਸਕਾਰ

• ਸ਼ਾਨ-ਏ-ਕੌਮ ਨੂੰ IGMA ਅਵਾਰਡਸ ਲਈ ਨਾਮਜ਼ਦ ਕੀਤਾ ਗਿਆ ਸੀ।^[2]