11 ਸਤੰਬਰ 2001 ਦੇ ਹਮਲੇ

11 ਸਤੰਬਰ 2001 ਦੇ ਹਮਲੇ (ਹੋਰ ਨਾਂ, 11 ਸਤੰਬਰ, 9/11, ਸਤੰਬਰ 11) ਸੰਯੁਕਤ ਰਾਜ ਅਮਰੀਕਾ ਉੱਤੇ ਆਤੰਕਵਾਦੀ ਸਮੂਹ ਅਲ-ਕਾਇਦਾ ਦੁਆਰਾ ਕੀਤੇ 4 ਆਤੰਕਵਾਦੀ ਹਮਲਿਆਂ ਦੀ ਲੜੀ ਸੀ। ਇਹਨਾਂ ਆਤਮਘਾਤੀ ਹਮਲਿਆਂ ਵਿੱਚ ਅਮਰੀਕਾ ਦੀਆਂ ਪ੍ਰਮੁੱਖ ਇਮਾਰਤਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।

11 ਸਤੰਬਰ 2001 ਦੇ ਹਮਲੇ
ਉੱਪਰ ਤੋਂ ਥੱਲੇ, ਖੱਬੇ ਤੋਂ ਸੱਜੇ ਅੱਗ ਦੀ ਲਪੇਟ ਵਿੱਚ ਵਰਲਡ ਟਰੇਡ ਸੈਂਟਰ ਦੀਆਂ ਦੋ ਇਮਾਰਤਾਂ; ਦ ਪੈਂਟਾਗਨ ਦਾ ਢਿਆ ਹੋਇਆ ਹਿੱਸਾ; ਫ਼ਲਾਈਟ 175 ਵਰਲਡ ਟਰੇਡ ਸੈਂਟਰ ਵਿੱਚ ਟਕਰਾਉਂਦੀ ਹੋਈ; ਮਦਦ ਮੰਗਦਾ ਹੋਇਆ ਇੱਕ ਫਾਇਰਮੈਨ; ਫ਼ਲਾਈਟ 93 ਦਾ ਇੰਜਣ ਪ੍ਰਾਪਤ ਹੋਇਆ; ਸੀਸੀਟੀਵੀ ਕੈਮਰਾ ਵਿੱਚੋਂ ਪ੍ਰਾਪਤ ਪੈਂਟਾਗੋਨ ਵਿੱਚ ਟਕਰਾਉਂਦੀ ਫ਼ਲਾਈਟ 77 ਦੀਆਂ ਤਸਵੀਰਾਂ।
ਟਿਕਾਣਾ	ਮੈਨਹੈਟਨ, ਨਿਊ ਯਾਰਕ ਸ਼ਹਿਰ, ਨਿਊ ਯਾਰਕ; ਅਰਲਿੰਗਟਨ ਕਾਊਂਟੀ, ਵਰਜੀਨੀਆ; ਸ਼ੈਂਕਸਵਿਲ, ਪੈਨਸਿਲਵੇਨਿਆ ਦੇ ਨੇੜੇ ਤੇੜੇ
ਮਿਤੀ	ਸਤੰਬਰ 11, 2001; 23 ਸਾਲ ਪਹਿਲਾਂ (2001-09-11) 8:46 a.m. – 10:28 a.m. (EDT)
ਟੀਚਾ	ਵਰਲਡ ਟਰੇਡ ਸੈਂਟਰ (AA11 ਅਤੇ UA 175) ਦ ਪੈਂਟਾਗੋਨ (AA77) ਸੰਯੁਕਤ ਰਾਜ ਕੈਪੀਟੋਲ (UA 93; ਨਾਕਾਮਯਾਬ)
ਹਮਲੇ ਦੀ ਕਿਸਮ	ਜਹਾਜ ਅਪਹਰਨ ਆਤਮਘਾਟੀ ਹਮਲਾ ਸਮੂਹਕ ਹੱਤਿਆ ਆਤੰਕਵਾਦ
ਮੌਤਾਂ	2,996  (2,977 victims + 19hijackers)
ਜਖ਼ਮੀ	6,000+
ਅਪਰਾਧੀ	ਅਲ-ਕਾਇਦਾ[1] (ਇਹ ਵੀ ਦੇਖੋ ਜ਼ਿੰਮੇਵਾਰੀ ਅਤੇ ਅਪਹਰਨ ਕਰਤਾ)

ਅਲ-ਕਾਇਦਾ ਦੇ 19 ਆਤੰਕਵਾਦੀਆਂ ਦੁਆਰਾ ਸੰਯੁਕਤ ਰਾਜ ਦੇ ਪੂਰਬੀ ਤੱਟ ਤੋਂ ਕੈਲੀਫੋਰਨੀਆ ਲਈ ਚੱਲੇ 4 ਹਵਾਈ ਜਹਾਜਾਂ ਦਾ ਅਪਹਰਨ ਕੀਤਾ ਗਿਆ। ਇਹਨਾਂ ਵਿੱਚੋਂ ਦੋ ਹਵਾਈ ਜਹਾਜਾਂ, ਅਮਰੀਕੀ ਏਅਰਲਾਈਂਜ਼ ਫ਼ਲਾਈਟ 11 ਅਤੇ ਯੂਨਾਈਟਿਡ ਏਅਰਲਾਈਂਜ਼ ਫ਼ਲਾਈਟ 175, ਨੂੰ ਵਰਲਡ ਟਰੇਡ ਸੈਂਟਰ ਦੀ ਉੱਤਰੀ ਅਤੇ ਦੱਖਣੀ ਇਮਾਰਤ ਵਿੱਚ ਮਾਰਿਆ ਗਿਆ। 1 ਘੰਟੇ 42 ਮਿੰਟਾਂ ਦੇ ਅੰਦਰ ਅੰਦਰ 110 ਮੰਜ਼ਿਲਾਂ ਦੀਆਂ ਦੋਨੋਂ ਇਮਾਰਤਾਂ ਢਹਿ-ਢੇਰੀ ਹੋ ਗਈਆਂ ਅਤੇ ਇਹਨਾਂ ਕਰ ਕੇ ਨਾਲਦੀਆਂ ਇਮਾਰਤਾਂ ਵੀ ਪੂਰੇ ਜਾਂ ਅਧੂਰੇ ਰੂਪ ਵਿੱਚ ਤਬਾਹ ਹੋਈਆਂ। ਤੀਜਾ ਜਹਾਜ ਅਮਰੀਕੀ ਏਅਰਲਾਈਂਜ਼ ਫ਼ਲਾਈਟ 77 ਦ ਪੈਂਟਾਗੋਨ ਵਿੱਚ ਜਾ ਕੇ ਵੱਜਿਆ ਅਤੇ ਉਸਨੇ ਇਸ ਇਮਾਰਤ ਦੇ ਪੱਛਮੀ ਹਿੱਸੇ ਨੂੰ ਅਧੂਰੇ ਰੂਪ ਵਿੱਚ ਤਬਾਹ ਕੀਤਾ। ਚੌਥਾ ਜਹਾਜ ਵਾਸ਼ਿੰਗਟਨ ਵੱਲ ਜਾ ਰਿਹਾ ਸੀ ਪਰ ਉਸ ਦੇ ਯਾਤਰੀਆਂ ਨੇ ਆਤੰਕਵਾਦੀਆਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਅਤੇ ਸਿੱਟੇ ਵਜੋਂ ਇਹ ਜਹਾਜ ਸ਼ੈਂਕਸਵਿਲ, ਪੈਨਸਿਲਵੇਨੀਆ ਦੇ ਇੱਕ ਮੈਦਾਨ ਵਿੱਚ ਜਾ ਗਿਰਿਆ। ਕੁੱਲ ਮਿਲਾ ਕੇ ਇਹਨਾਂ ਹਮਲਿਆਂ ਵਿੱਚ 19 ਅਪਹਰਨ ਕਰਤਾਵਾਂ ਸਮੇਤ 2,996 ਜਾਣਿਆਂ ਦੀ ਮੌਤ ਹੋਈ ਅਤੇ ਲਗਭਗ 10 ਅਰਬ ਅਮਰੀਕੀ ਡਾਲਰ ਦਾ ਨੁਕਸਾਨ ਹੋਇਆ।^[2][3]