From Wikipedia, the free encyclopedia
King computing, ing JPEG (a yagkas dang JAY-peg; IPA: /ˈdʒeɪpɛɡ/), metung yang maralas gagamitan a paralan ning compression para kareng letratu (photographic images). Maliari yang alilan ing sikan (o pangasiksik) ning pamag-compress, ania maliaring mamili king dagul ning simpan (file size) ampo ing lino ning larawan. Keraklan, babie yang 10 to 1 compression ing JPEG, at ditak mu ing mayayakit a pangabawas king lino ning larawan.
Ing JPEG ing maralas diling magagamit a format para kareng larawan a gagamitan da reng digital camera ampo reng aliwang kasangkapan a kukuang larawan. Iti murin ing pekamaralas dang gagamitan king pamagsimpan (storing) ampong pamagparalang larawan kapamilatan ning World Wide Web.
Ing MIME media type para king JPEG, image/jpeg ya (defined ya king RFC 1341).
Ing lagiung "JPEG" mangabaldugan yang Joint Photographic Experts Group, ing lagiu ning komite o lupung a miglalang ketang standard. Mitátag ya iting grupu aniang 1986, at migpalual yang standard kanitang [[1992[[, at me-apruba ya o metanggap iti kanitang 1994 antimong ISO 10918-1. Aliwa ya ing JPEG king MPEG (Moving Picture Experts Group), a gagawang sistema ning pamag-compress para kareng alben o video.
Tutulduan/lilinawan ne ning JPEG standard ing codec, a mag-isplika nung makananu yang ko-compress o sisiksik ing metung a larawan king agus (stream) da reng byte, at lalako nong pasibayu pangasiksik (decompress) deti ba lang isubli pangabalangkas king metung a larawan, ampo ing file format a magagamit king pamaglangkap o pamanyinup (contain) king agus a ita.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.