Mindanao
From Wikipedia, the free encyclopedia
Ing Mindanao iya ing pangaduang pekamaragul at peka-aslagang pulu king Filipinas at metung kareng atlung pulung aptas king bangsa, nung nu ing Luzon at Visayas ilang aliwa pang adua. Ing labuad Mindanao mikarungut la keng Espanya inyang pang 16 at pang17ng dilanwa nung nu deng sundalus a Kastila at ding kayang frayle ilang sinakup kaniti inyang 1622.
![Thumb image](http://upload.wikimedia.org/wikipedia/commons/thumb/5/54/Island_regions_of_the_Philippines.png/220px-Island_regions_of_the_Philippines.png)
Kasalungsungan ing labuad Minadanao karinan de reng Muslim na ning bangsa o Moros a populasyun, a nung nu bubuu da reng dakal a katutubung grupu kalupa da mo reng Maranaos at deng Tausug, at deng aliwa pang inaptas a tribung dang ausan dang Lumad. Taliwas keng balu da reng keraklan, enaman eganaganang dake ning Mindanao a sakup da reng Muslim. Ing tutu na niti, keraklan kareng dake ning Pangulung Mindanao, Aslagang Mindanao at Mauling Mindanao deng tau keti maniwala keng animism bayu la meging Binyagan.
Bilang pulu king mauling dake ning bangsa, ing Mindanao iya ing pangaduang pekamaragul a pulu at atin yang 94,630 kilometru kudradu, kulang yang 10,000 km² kalati keng Luzon. Ing pulu bulubundukin ya, at atiu ka rin ing Mount Apo, ing peka matas diling bunduk king bangsa. King albugan ning pulung Mindanao iyapin ing Dayat Malat ning Sulu, king aslagan ing Dayat Malat ning Filipinas at king mauli ing Dayat Malat ning Celebes.
Ing pulung aptas ning Mindanao abe ne ing mismung pulung Mindanao, at dadag na pa ing Kapuluang Sulu king maulingalbugan. Ing aptas a pulu makabangal yang anam a labuad, nung nu pikawani ro pang 25 lalawigan.