Caha di Orgel
instrumento musikal hibrido / From Wikipedia, the free encyclopedia
Caha di Orgel of Cah'i Orgel, conoci tambe como caha di musica of tingilingi-box, ta un instrumento musical hibrido, cu ta posiciona meymey entre un piano di cilinder y un orgel. E cah'i orgel y su musica tipico ta forma parti importante di e folklor di Aruba.
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
E prome pianonan di cilinder a worde fabrica na Alemania. E tabata un instrumento popular den henter Europa y conoci bou nomber di orgel di drey, orgel di caya of orgel di cilinder. Alrededor di 1880 ta importa na e Islanan ABC e prome cah'i orgelnan for di Italia y esakinan a bira masha popular.[1]
E cah'i orgel ta consisti di un caha di palo cu cuerde den cual un cilinder cu clabonan ta drey. Como e cilinder ta carga solamente mita di e cantidad di notanan di un piano normal, e cah'i orgel no ta sirbi pa tur tipo di musica. Musica cu si por graba ta entre otro wals, mazurka, danza y tumba. Persona conoci den siglo 20 pa traha y claba e cilindernan di e cah'i orgel tabata e musiconan: Rufo Wever na Aruba y Edgar Palm na Corsou. Pa toca e cah'i orgel mester di un persona pa drey e palanca y un persona pa toca wiri.
Desde 2016 e caha di orgel ta registra den e inventario di Herencia Imaterial di Hulanda.[2]
Fuente, nota i/òf referensia
|