Antias Hulandes

Antia Hulandes òf Antia Neerlandes (na hulandes: De Nederlandse Antillen), tabata for di 15 di desèmber 1954 te 10 di òktober 2010 un país den Reino Hulandes. Inisialmente e tabata konsistí di seis isla i for di 1986 di 5 isla karibense despues ku Aruba a atkirí su status aparte. E islanan di Antia Hulandes tabata konsistí na nan lugá di dos grupo di isla den Laman Karibe ku ta forma parti di Antia Menor: e islanan bou di bientu (islanan ABC) i e islanan riba di bientu (Islariba). Na 2010 Kòrsou i Sint Maarten a bira paísnan autónomo den Reino Hulandes i Saba, Sint Eustatius i Boneiru a bira munisipio spesial hulandes. E ekonomía di e islanan ta dependé primordialmente di turismo i petroleo.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Antias Hulandes
Antias Hulandes
←  1954–2010  →  →  →  →
1959–1986 1964–1986 1986–2010 1986–2010 (Bandera)
Himno: Himno sin tíutlo Lema: Libertate unanimus (Latin) Uní den libertat (papiamentu)
Mapa
Informashon básiko
Kapital	Willemstad, Kòrsou
Área	800 km² km²
Poblashon	283 935 (2009)
Idioma	hulandes, ingles, papiamento
Religion	Katóliko romano, sosiedatnan protestant chikítu
Dia nashonal	Dia di Rey Dia di Antia Dia di Reino
Moneda	Florin antiano
Gobièrnu
Gobernashon	Pais paden di Reino Hulandes
Dinastía	Oranje-Nassau
Hefe di estado	Monarkia di Hulanda
Supstituto hefe di estado	Gobernador di Antia Hulandes
Lider di gobièrnu	Minister-Presidente di Antias Hulandes
Legislashon	Parlamento di Antias Hulandes
Historia
- Funda	15 di desèmber 1954
- Disolushon	10 di òktober 2010
Imágennan riba Wikimedia Commons
[Editá Wikidata] · [Manual]

Historia

E spañónan tabata e promé Oropeonan pa establese nan mes riba e islanan (pa abou: Alonso de Ojeda, 1499; pa ariba: Cristóbal Colón, 1493). Den e siglo 17, e West-Indische Compagnie a konkistá e islanan e a uza nan komo base pa negoshi di katibu. Esaki tabata abolí na aña 1863.

Na aña 1954, e islanan tabata promoví di kolonia pa parti di e Reino di Hulanda komo un estado asosiá. Aruba tabata parti di Antia te ku 1986, ora el a haña "status aparte" i a bira un parti apart den e reino.

Disolushon

Mira artikulo prinsipal: Disolushon di Antia Hulandes

Den 2004 un komishon di e gobièrnunan di Antia i di Hulanda a reportá riba e futuro di e Antia Hulandes. E komishon a avisá un revishon di e Statuut pa e Reino Hulandes pa desolbé e pais Antia Hulandes.

Kòrsou i Sint Maarten lo forma dos estadonan asosiá nobo. Boneiru, Saba i Sint Eustatius lo bira parti di Hulanda komo isla di reino. Riba 28 di novèmber, 2005, e gobièrnu hulandes a yega na un akuerdo ku e gobièrnunan di tur e islanan, ku lo hasi tur lokual e komishon a konkluí realidat pa yüli 2007.

Polítika

Remplasando e areglo di estado interino a keda proklamá dia 29 di mart 1955 e Konstitushon di Antias Hulandes mediante un medida general di reino (algemeen maatregel van rijksbestuur). E hefe di estado tabata e rei di Reino Hulandes, ku den Antia ta representá pa un gobernador. E gobernador tambe ta na kabes di e gobièrnu lokal, i huntu ku e ministernan ta forma parti di e poder ehekutivo di gobièrnu.

E kurpa legislativo tin dos parti. Delegashonnan di e islanan ta representá den gobièrnu antiano, pero kada isla tin su mesun gobièrnu insular ku ta goberná riba un base diario.

Geografia

Mapa di Antia Hulandes

E geologia di islariba ku su serunan, no a laga hopi lugá pa agrikultura. E punto mas altu ta Mount Scenery na Saba di 862 meter. Notabelmente, e punto mas altu denter di Reino Hulandes.

E seis islanan ta partí geográfiko den dos grupo:^[1]

• Islanan Abou (Benedenwindse Eilanden):
  • Boneiru, huntu ku e isla chikitu Klein Bonaire
  • Kòrsou, huntu ku e isla chikitu Klein Kòrsou
• Islariba (Bovenwindse Eilanden):
  • Saba
  • Sint Eustatius
  • Sint Maarten, e parti zùit di e isla di Sint Maarten (e parti nort, Saint-Martin, ta franses i ta parti di e departamento ultramar di Guadeloupe).

Geologia

Tur seis isla tin un orígen volkániko. Na Islariba, e volkanismo ta e mas aparente, spesialmente na Saba i Sint Eustatius. Na e Islanan Abou, strukturanan volkániko ta ménos notabel riba e superfisie, ounke na algun lugá, manera Aruba, e ta klaramente rekonosibel den su formashon di seru.^[1]

Ademas, tur e islanan tin depósitonan di piedra di kalki ku a originá for di ref di koral. E islanan tambe por wordu agrupá a base di nan karakterístika geológiko:^[1]

Isla	Geologia	Fuente
Aruba	Piedra ignis, piedra di kalki, i teras marino	[2]
Islariba	Volkanismo
Kòrsou i Boneiru	Piedra di kalki i teras marino

Ekonomia

Turismo, transportashon di petroleo i refinamentu di zeta (na Kòrsou), i tambe negoshinan "offshore" ta forma gran parti di e ekonomia di e islanan. E islanan tin un bon ganashi per capita i un bon infrastruktura kompará ku otro país den e region. Kasi tur karga (kapital i pa konsumidó) ta importá, gran parti di esaki ta di Venezuela, Merka, Mexico i Hulanda, ku ta provee e islanan ku sen tambe. Tera inadekuado i insufisiente awa ta hasi e desaroyo di agrikultura difisil. E florin antiano tin un balor fihá na e dollar merikano (1,79:1).

Demografia

Mayoria antiano ta desendiente di kolonistanan europeo i di katibu afrikano ku tabata importá i bendí aki di siglonan 17 pa 19. E sobrá di e poblashon a bini di otro isla den Karibe, Amérika latino, ost Asia i di otro parti di mundu.

Papiamentu ta e idioma dominante na Kòrsou i Boneiru (i tambe Aruba). E idioma krioyo aki a forma di hulandes, spañó, ingles i português.

Ingles ta e idioma mas komun riba e islanan pa ariba (St. Maarten, Saba i St. Eustatius). Spañó ta birando e di dos idioma riba e islanan pa ariba, mas tantu na St. Maarten.

Maske e idioma ofisial ta hulandes, e gobièrnu antiano ofisialmente ta rekonosé e uzo di ingles i papiamentu. Tambe, maske e legislatura ta na hulandes, diskurso den parlamento ta na ingles òf papiamentu.

Gran parti di e poblashon ta kristian, mas tantu katóliko. Kòrsou tambe tin un minoridat hudiu ku ta desendiente di un grupo di hudiu Sefardí ku a bini di Amsterdam i Brazil na aña 1654.

Den e último dékadanan, hopi antiano hóben i eduká a emigrá pa Hulanda, ku ta laga e islanan ku un problema sosial-ekonómiko grandi. Sinembargo, den último añanan, hopi hende di Repúblika Dominikano, Haiti, Karibe anglofóniko i Colombia a imigrá pa Antia.

Kultura

E orígen di e poblashon i unda e islanan ta situá ta duna Antia un kultura mesklá. Turismo i un presensia dominante di e media merikano a yuda e influensia merikano krese. Mes kos ku otro país den Karibe i Amérika latino, riba tur e islanan, Karnaval ta un evento importante.