Elizabeth II

Elizabeth II (Elizabeth Alexandra Mary; naci 21 di april 1926 na London y fayece 8 di september 2022 na kasteel Balmoral, Escosia) tabata reina di Reino Uni di Gran Britania y Nort Irlanda, Canada, Australia y Nueva Zelandia desde 6 di februari 1952 te su morto. Ademas e tabata hefe di estado di diesdos di e 53 estado miembro di e Mancomunidad di Nacionnan (ingles: Commonwealth of Nations) cu a bira independiente durante su reinado. Esakinan ta: Jamaica, Barbados, Bahamas, Grenada, Papua-Nieuw-Guinea, Islanan Solomon, Tuvalu, Saint Lucia, Saint Vincent y Grenadines, Antigua y Barbuda, Belize y Saint Kitts y Nevis. E tabata sucesor di su tata, Rey George VI y e di cuater monarca di e dinastia Windsor.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Elizabeth II
Informacion personal
Nacemento	21 aprel 1926
Fayecimento	8 sèptèmber 2022
Imagennan riba Wikimedia Commons
[Edita Wikidata] · [Manual]

Den Reino Uni Elizabeth II tabata e monarca cu a biba mas largo y cu tin e reinado mas largo. Den historia mundial e tabata e hefe di estado muhe cu a keda mas largo den funcion. Como monarca e tabata esun cu a biba mas largo y cu mas aña riba trono (70 aña y 214 dia) y como hefe di estado, tras di e reino di e monarca Frances Louis XIV (72 aña).

Despues di su fayecemento na 2022, su yiu homber mayor Charles, Principe di Wales, a wordo corona como Rey Charles III.

Biografia

Elizabeth tabata casa desde 20 di november 1947 cu Principe Felipe, un principe Griego cu a obtene nacionalidad britanico na 1947 y kende a muri na 2021. E pareha a haya cuater yiu, ocho nieto y diesdos bisanieto. E ta muri dia 8 di september 2022 na edad di 96 aña.