Emilio Teza

Emilio Teza (☆ 24 di sèptèmber 1831 na Venezia - † 30 di mart 1912 na Padua) tabata un lingwista, filólogo, poliglòt i traduktor italiano.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Emilio Teza

Pais di nashonalidat	Reino di Italia
Nòmber di dilanti	Emilio
Fam	Teza
Fecha di nasementu	14 sèptèmber 1831
Lugá di nasementu	Venezia
Fecha di fayesimentu	30 mart 1912
Lugá di fayesimentu	Padua
Writing language	Italiano
Dunadó di trabou	University of Bologna, Università di Pisa, University of Padua
Miembro di	Accademia della Crusca, Lincean Academy, Academy of Sciences of Turin

Biografia

Teza a nase na aña 1831 na Venezia. E ta kuminsa su karera komo bibliotekario na biblioteka Marciana na Venezia i biblioteka Laurenziana na Florenza. Despues di tabata dosente di literatura klásiko, oriental i romániko na varios universidat italiano e ta bira profesor di filologia indo-oropeo na Universidat di Bologna na 1860.

Teksto di Il Dialetto Curassesse

Portada di Catecismo Corticu

Banda di su obranan lingwistiko Teza a produsi numeroso tradukshon foi di diferente idioma, entre nan alemán, ingles, ruso, spaño, servio, português i sanskrit. Na yüli 1863 e ta skirbi Il Dialetto Curassesse, despues di a topa na Bologna den biblioteka di kardinal Mezzofanti ku e obra na Papiamentu di monseñor Martinus Niewindt (1796-1860), Catecismo Corticu pa uso di catolicanan di Curaçao (1837). Su estudio, ku ta kontene observashonnan gramatikal i leksikal, tabata e promé análisis sientífiko di Papiamentu moderno. Na 1864 esaki ta sali publiká den e revista "Politekniko" na Milano.

Na 1891 Teza ta bira miembro di e Akademia Nashonal di Lincei, un instituto sientífiko italiano fundá na 1603. Na su morto na edat di 80 aña na 1912, el a wòrdu deskribí komo "e poliglòt mas maravioso ku Italia a yega di posee". E munisipionan di Padua i Roma a dediká un kaya na su nomber.