Idioma krioyo

Idioma krioyo (Aruba:idioma crioyo) ta un lenga ku ta nase habitualmente den un komunidat, konstituí pa persona di diferente orígen ku no ta komparti un lenga komun, ku tin nesesidat pa komunika i pues ta forsá pa krea un lenga nobo usando elementonan di nan propio idioma.

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

idioma krioyo

Supkategoria di	pidgin or creole, contact language
Lista di tema	list of creole languages

Borchi ku teksto den franses krioyo di Guadeloupe

Un ehempel típiko ta esun di e katibunan afrikano ku despues di e konkista di Amérika a wòrdu hiba na e plantashinan den Karibe òf esun di e poblashonnan outóktono di diferente region di Sur Amérika, Oseania i Afrika ku a mira nan mes obligá pa utilisá lenga di e poder kolonial (ingles, franses, spaño, português i hulandes) pa komunika.

Formashon di idioma krioyo

Entre lingwistanan ta eksisti diferensia di opinion tokante formashon di lenganan krioyo. Segun e lingwistanan Ronald Wardhaugh i Robert A. Hall, Jr., e komunikashon ku a adopta inisialmente ta forma un pidgin, esta un di dos idioma ku ta adopta e léksiko di e idioma imponi den un forma trosi i sensio mientras ta keda mantene e sintáksis propio di e lenganan indigena. Den un proseso ku yama "nativashon", e yu i desendientenan di e papiadonan di pidgin ta perfekshona e lenga konvertiendo esaki den uno mas efisiente.^[1] Ta papia di idioma krioyo ora e pidgin transforma den lenga materno, un idioma ku ta dispone di un sintáksis mas strukturá i un léksiko mas fiho i mas amplio.^[2]

Pa otro lingwistanan idioma krioyo ta e resultado di un evolushon progresivo di un idioma den kontakto ku otro lenganan, sin ku ta nesesario pa pasa e etapa di transishon di e pidgin.