Latin

Latin ta un idioma morto cu tabata e lenga oficial di Imperio Romano y cu awe dia ta keda principalmente den un funcion liturgico y academico. Den iglesia catolico romano, Latin ainda ta idioma ceremonial pa misa. Aunke e cantidad di hendenan cu ta papia e idioma ta escaso, den hopi pais ainda tin estudio y gruponan cu ta siña y investiga Latin. Latin ta e lenga materno di tur idioma Romano moderno y ta e idioma oficial na Vaticano.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Latin
Lingva latina
Utilisa na	Lista pais  Siudat Vatikano
Nativo pa	Lista pais Oropa
Vitalidad	Extinto siglo 18
Famia  linguistico	Indo-Europeo Italo
Alfabet	Alfabet Latin
Status oficial
Oficial na	Lista pais  Siudat Vatikano
Regula pa	Pontificia Academia Latinitatis
Codigo
ISO 639-1	la
ISO 639-2	lat
ISO 639-3	lat
Glottolog	lati1261
■ Imperio romano na 177 promé ku kristu
Imagennan riba Wikimedia Commons
[Edita Wikidata] · [Manual]

Uzo den ciencia y variantenan

Nan ta uza Latin tambe ora di describi un specie nobo, por ehempel, un tipo di mata of bestia. Pa e rason aki, mata y bestia ta wordo normalmente indentifica, den scritura cientifico, door di duna un nomber Latin of nomber moderno acerca. E termino Latin tin e nificacion precies y un definicion corespondente. Hopi palabra cientifico ta Latin of ta deriva di algun palabra Latin.

Tradicionalmente tawatin dos variante principal di Latin: Latin Clasico y Latin Vulgar. Latin Clasico tawata e variante literatario standard uza pa e Romanonan y hende di Misa Catolico Romano y siña pa masha hopi studiante rond mundo. Latin Vulgar tawata net pa robes, e tawata e variante papia mas comun, uza pa e Romanonan.

Latin tawata e lenga mas importante na Europa den Edad Medio. Nan tawata duna les na scol Europeo y tur universidad tawata uza Latin como idioma di instruccion. Latin a cunsa perde su balor den Reformacion Protestant, ma toch ainda nan tawata uz'e door autor di ciencia di buki y enciclopedia. Te rond di aña 1900 hopi universidad a acepta tesis por escrito na Latin.

Tin idioma cu nos ta papia awendia a bin di e lenga Latin. Esakinan nos ta yama idioma Romance. E cinco lenga principal Romance ta Frances, Italiano, Rumano, Portugues y Spaño. Otro lenga Indo-Europeo ta relaciona cu Latin. E idioma Romano t'asina cerca di otro cu ta posibel pa compronde otro na un cierto nivel. Por ehempel, e papiadonan di Portugues por compronde Spaño. Por bisa cu idioma Romance ta un dialecto moderno di Latin.

Structura basico y gramatica

Skirbimento

Ora di skirbi nan tawata uza plachi di wax. Nan tawatin poco espacio, anto nan tawata skirbi palabra pega (no tawatin espacio bashi entre e palabranan). Tin biaha nan tawata uza papyrus, pero e tawata masha caro. Signo di lesa y letter chikito ta invencion moderno.

E siguiente ta e introduccion di e Metamorfosis di Ovid; ta describi tempo di Siglo di Oro.

Scritura bieu

Scritura moderno

AVREAPRIMASATAESTAETASQVAEVINDICENVLLO SPONTESVASINELEGEFIDEMRECTVMQVECOLEBAT POENAMETVSQVEABERANTNECVERBAMINANTIAFIXO AERELEGEBANTVRNECSVPPLEXTVRBATIMEBAT IVDICISORASVISEDERANTSINEVINDICETVTI NONDVMCAESASVISPEREGRINVMVTVISERETORBEM MONTIBVSINLIQVIDASPINVSDESCENDERATVNDAS NVLLAQVEMORTALESPRAETERSVALITORANORANT NONDVMPRAECIPITESCINGEBANTOPPIDAFOSSAE NONTVBADIRECTINONAERISCORNVAFLEXI NONGALEAENONENSISERANTSINEMILITISVSV MOLLIASECVRAEPERAGEBANTOTIAGENTES

Aurea prima sata est aetas, quae vindice nullo, sponte sua, sine lege fidem rectumque colebat. poena metusque aberant nec verba minantia fixo aere legebantur, nec supplex turba timebat iudicis ora sui, sed erant sine vindice tuti. nondum caesa suis, peregrinum ut viseret orbem, montibus in liquidas pinus descenderat undas, nullaque mortales praeter sua litora norant. nondum praecipites cingebant oppida fossae, non tuba directi, non aeris cornua flexi, non galeae, non ensis erant: sine militis usu mollia securae peragebant otia gentes.

Traduccion na Papiamento

"Esaki tawata tempo di Siglo di Oro cu sin coaccion, sin ley, di manera spontaneo nutri di e bon y di e berdad. No tawatin miedo of castigo: no tawatin palabra malo pa lesa, corehi y brons, sin temor di multitud di splicante dilanti e hues, nan tawata biba cu siguridad, sin proteccion. Niun palo di Pinus a cay ne sero cu a cab'i yega e biento cu ta supla pa biaha pa otro tera: e ser humano tawata conoce solamente su mesun cantonan. No tawatin buraco diep rond di ciudad, sin trompet di guera, sin cacho di spiral, sin esapada y helm. Sin e uzo di e ehercitonan, e hende ta pasa su bida na paz y seguridad suave".