Mito Croes

Antonito Gordiano (Mito) Croes (☆ 10 di mei 1946 na Aruba - † 7 di augustus 2016 na Aruba) tabata un politico Arubano di AVP. E tabata minister plenipotenciario di Aruba na Hulanda di 1994 te 2001. Previamente e tabata minister di Structura Estatal Islanan di Antias Hulandes y a fungi temporalmente como minister di Husticia den e prome gabinete Martina. Croes tabata minister di Enseñansa y Bienestar General den e prome gabinete di Aruba bou di Henny Eman. El a keda eligi parlamentario den Parlamento di Antias Hulandes (23 di juli-4 di november 1982; 9 di september 1983-31 di december 1985) y den Parlamento di Aruba (1989-1994).

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Wak Croes (pagina di referencia) pa un otro nificacion di topico.

Mito Croes
Imagen desea: Mito Croes
Informacion basico
Nomber completo	Antonito Gordiano Croes
Nacemento	10 di mei 1946 Aruba
Fayecimento	7 di ougùstùs 2016 Oranjestad
Pais	Aruba
Titulo	mr.dr.
Informacion profecional
Partido	AVP
Funcion
1983	miembro di Conseho insular di Aruba
1982, 1983-1985	miembro di Parlamento di Antias Hulandes
1982-1983	minister di Structura Estatal Islanan di Antias Hulandes
1982-1983	minister di Husticia di Antias Hulandes
1986-1989	minister di Ensenansa y Bienestar di Aruba
1989-1994	miembro di Parlamento di Aruba
1994-2001	minister plenipotenciario di Aruba na Hulanda
2014-2016	miembro Raad van State
[Edita Wikidata] · [Manual]

Carera politico

Na 1982 Mito Croes a debuta den politica como nr. 2 riba lista di AVP pa eleccion pa parlamento di Antias Hulandes. El a wordo eligi, pero ta switch pa conseho insular di Aruba na 1983. E mesun aña e ta bolbe den parlamento di Antias Hulandes. Na 1995 durante su termino como minister plenipotenciario e ta tuma e initiativa pa e simposio di Reino Hulandes cu e tema "Bon gobernacion na pais chikito". Na final di e simposio a forma un comision cu a resulta den e grupo di trabou `Deugdelijkheid van Bestuur' bou di su presidencia. Na oktober 1997 e grupo ta publica e raport conoci como "Rapport Calidad".

Na 2009 e ta haci uso di e hecho cu e habitantenan di nacionalidad hulandes na Antias y Aruba a atkeri derecho di voto pa Parlamento Europeo, basa riba un sentencia di Corte Supremo, e asina yama "Arrest Eman y Sevinger".^[1] Riba e lista di candidato di CDA e tabata ocupa posicion diesun y di e 14.000 votonan na Aruba e ta obtene 13.000, sinembargo esaki no ta alkansa pa logra un asiento.^[2]

Despues di retira di politica activo e tabata miembro di e Raad van State di Reino Hulandes pa Aruba di 2014 te 2016. El a wordo sigui pa Milly Schwengle.