Museo Hudiu Kultural-Históriko di Kòrsou
museo na Willemstad, Kòrsou From Wikipedia, the free encyclopedia
Remove ads
Museo Hudiu Kultural-Históriko di Kòrsou , of simplemente Museo di Hudiu di Kòrsou (ingles: Jewish Museum Curaçao) ta un museo históriko-kultural na Willemstad, kapital di Kòrsou. El a wòrdu fundá na 1970. E museo ta situá den e kompleho históriko di snoa Mikvé Israel-Emanuel den e área di Punda, formando parti di e kurason históriko di Willemstad ku e status di UNESCO di sitio di patrimonio mundial.

E museo ta preserva i splika e riku historia di e komunidat hudiu riba isla, un di e komunidatnan hudiu mas bieu ku a eksistí kontinuamente den Hemisferio Oksidental. E ta un punto importante den e ruta di herensia di diaspora hudiu den Karibe i Amérika.
Remove ads
Historia
E komunidat hudiu sefardí a yega na Kòrsou den aña 1651 for di Amsterdam, Hulanda. Nan a yega riba e barku Snoeck di e kompania hulandes, West Indische Compagnie, ku tabata stimulá kolonisashon di e isla despues ku Hulanda a konkista e isla for di e spañonan na 1634. E komunidat tabata konsistí prinsipalmente di hudiunan sefardí ku a hui for di persekushon religioso na Portugal i Spaña.
Den 1659, e kongregashon Mikvé Israel ("Speransa di Israel") a wòrdu formalmente establesé, i den 1732 nan a konstruí un snoa, ku awendia ta e snoa di mas bieu den uso kontinuo den Amérika. E komunidat hudiu a hunga un papel importante den desaroyo ekonómiko i sosial di Kòrsou, partikularmente den komèrsio, finansa i filantropia.
E museo a keda fundá pa Dr. Jessy Jesurun, desendiente di un di e promé famianan hudiu ku a yega Kòrsou na 1659 i a habri su portanan dia 15 di novèmber 1970.[1]
Na aña 2025, e interior di museo a wòrdu ekspandé, despues ku a atkerí i integrá dos persela situá na banda.[2]
Remove ads
Edifisio
E museo ta ubiká banda di snoa Mikvé Israel-Emanuel den dos edifisio históriko ku un tempu tabata sirbi komo e residensia di e rabi i e mikveh (baño ritual) di e komunidat hudiu. E structuranan aki, antes konosí komo Kuiperstraat #26 y #28, ta data for di siglo 18. Nan tabata den deterioro den di dos mita di dékada 1960 ora Stichting Monumentenzorg Curaçao a atkerí nan i a kuminsá ku restourashon.[3] E presensia di símbolonan hudiu riba e fachadanan a hiba e fundashon pa ofresé nan na e komunidat hudiu pa uso komo museo.
Remove ads
Kolekshon
Wikiwand - on
Seamless Wikipedia browsing. On steroids.
Remove ads