Prefiho

Prefiho (Ingles: prefix; Hulandes: voorvoegsel) ta un afiho (elemento gramatical) cu ta wordo poni dilanti di un palabra, e "palabra basico", pa cambia su nificacion of pa forma un palabra nobo. Prefihonan ta importante pa formacion di palabra y analisis di e structura morfologico di un idioma. Nan ta yuda pa crea palabra deriva y pa expresa ideanan manera negacion, repeticion, tempo, of grado.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

prefiho

Supkategoria di	affix, prefix
Entry in abbreviations table	woorddl.
Lo kontrario di	sufiho

Lo contrario di un prefiho ta un sufiho, unda e afiho ta wordo poni patras di e palabra basico (repensa verso pensativo). Den linguistica, un palabra basico mas un prefiho òf sufiho hunto ta forma un palabra componi of deriva. Tanto prefiho como sufiho ta existi den mayoria di e idiomanan natural, pero den practica ta uza e sufiho mas regularmente cu e prefiho.

Clasificacion di prefiho

Prefihonan por wordo dividí generalmente den dos categoria principal:

Prefihonan formativo

Esakinan ta para dilanti un palabra cu tin nificacion riba su mes.
Ehempel:

• palabra basico: activo → inactivo, interactivo, proactivo, radioactivo, retroactivo
• palabra basico: formal → desformal, informal

Prefihonan constructivo

Esakinan ta para dilanti un 'palabra basico' cu NO tin nificacion riba su mes.
Ehempel:

• logia → astrologia, fonologia, arkeologia
• nouta → aeronauta, astronauta, cosmonauta

Uzo di prefiho

Ta uni un prefiho na un palabra basico pa añadi un toke di nificacion na esaki. Den Papiamento, prefihonan ta bini generalmente di idioma Latin of Griego, pero e tambe por tuma un forma adapta segun uzo local. Nan ta wordo skirbi semper como un solo palabra.

Ehempel

• re- → ta indica ripiticion: rebaha (baha di nobo); reorganisa (organisa di nobo)
• in- → ta indica negacion of lo contrario: inútil (no útil); innecesario (no ta necesario)
• des- → ta indica negacion of reverso: desarma (kita arma); desembarca (sali for di e barco/avion)
• pre- → ta indica anterioridad: prepara (haci cla prome); prefabrica (traha cla prome)

Otro ehempelnan di prefiho ta: a (apolitico), anti (antisocial, anticolonialista), auto (autoestima, autobiografia ), co (coopera, copiloto), contra (contrapartida, contraproposicion), sub (subdividi, subinspector).

Lista di referencia

• Kouwenberg, Silvia (2004). The Grammar of Papiamentu. Mouton de Gruyter.
• Mansur, Jossy M. (1996). Diccionario Básico Papiamento–Hulandés, Hulandés–Papiamento. Aruban Publications.
• Yule, George (2016). The Study of Language. Cambridge University Press (di 6 edicion).
• Crystal, David (2008). A Dictionary of Linguistics and Phonetics. Blackwell Publishing (di 6 edicion).