Vocal

Den fonetica, vocal (na Ingles: vowel; na Hulandes: klinker) ta un zonido di bos , forma pa un coriente di aire sin obstaculo den e tracto vocal superior (boca y garganta). E zonido ta depende di e posicion di e lenga y e grado di apertura di e boca. Vocal ta un di e dos tipo principal di zonidonan di bos, e otro ta e consonante.

 E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

vokal

Supkategoria di	phone
Faseta di	spoken language
Presedí pa	prevocalic form
Representa pa	vowel letter
Etikèt na Stack Exchange	https://linguistics.stackexchange.com/tags/vowels
Lo kontrario di	consonant

E palabra “vocal” ta bini di Latin vocalis, cu ta nifica “cu e bos,” ya cu den mayoria di idioma, formacion di palabra ta imposibel sin vocal. Hasta den idiomanan cu ta permiti palabranan sin vocal, esakinan ta un excepcion.

E termino “vocal” ta wordo uza pa referi tanto na e zonidonan mes cu ta vocal, como tambe na e letternan di alfabet, cu ta representa nan como signo skirbi.

Aplicacion

E cantidad di zonido y tambe e cantidad di vocalnan ta varia segun idioma papia. Por ehempel, algun idioma conoci tin menos cu dies zonido, mientras tin idiomanan cu mas cu shen zonido. E composicion di zonido tambe ta varia. E vocalnan i, a y u ta aparece den casi tur idioma di mundo.

Papiamento

Den idioma Papiamento tin cinco vocal, representa pa e siguiente letternan:

A, E, I, O, U

Tur palabra den Papiamento ta contene un of mas vocal, y e vocalnan ta fundamental pa forma silaba y pa duna entonacion y melodia na palabra.

Mester haci nota cu Papiamento den su variante di ortografia fonologico, "Papiamentu", ta uza dies letter pa su vocalnan: a,e,i,o,u, y tambe è,y,ò,ù,ü.

Aki ta sigui un skema di vocalnan cu nan zonido segun e alfabet fonetico internacional (AFI):

Vocal		Balor na Papiamento (AFI)	Ehempel	Balor na Papiamentu / (AFI)	Ehempel
a		/a/	algun, cas, ora	/a/	antes, banko, dobla
e	accentua	/e/	regla, centro	/e/	tres, pone
	no accentua	/ə/	tiger, separabel	/ə/	mangel, agradabel
	palabra fia	/ɛ/	letter
è				/ɛ/	kèlki, skèr
i		/i/	igual, skirbi	/i/	tin, bini
	no accentua prome cu vocal	/j/	papia, ciudad	/j/	kambio, bientu
o		/o/ /ɔ/	solo, cos dobel	/o/	toro, otro
ò				/ɔ/	bòl, sòpi
u		/u/ /ʏ/	cura, mesun augustus	/u/	buki, tur
	no accentua prome cu vocal	/w/	pueblo, cuida	/w/	kuater, fuerte
ù				/ʏ/	bùs, yùfrou
ü				/y/	hür

Lista di referencia

• Kouwenberg, Silvia (2004). The Grammar of Papiamentu. Mouton de Gruyter.
• Mansur, Jossy M. (1996). Diccionario Básico Papiamento–Hulandés, Hulandés–Papiamento. Aruban Publications.
• Ladefoged, Peter & Johnson, Keith (2015). A Course in Phonetics (di 7 edicion). Cengage Learning.
• Maurer, Philippe (1990). Die Verschriftung des Papiamento. Den: Zum Stand der Kodifizierung romanischer Kleinsprachen. Gunter Narr Verlag.