Menadala Riggschlach-Effeggd
From Wikipedia, the free encyclopedia
Middm Menadale Riggschlach-Effeggd (uff Englisch Rebound-Effeggd) meendma inde Enagierekonomie die Effegd, wu d'zu fiahren, dass ä Oischbarung vun Enagie duasch Effizienzschdaischarunge nedd odda blos zum Deel vawirglischd werre kennen. Des kummd dohea, wail midd äna Effizienzschdaischarung de Vabraucha a wenischa fa die Enagie ausgewwe muss unn deswesche a mea kaafe konn. Wonn des sowaid gehd, dass wesche änare Effizienzschdaischarung de Vabrauch soga heja wead, alla de Riggschlach-Effeggd iwwa 100 Brozend lische dud, donn schbrischdma a vum Backfire.
Dialegd: Schbaimarisch |
G'messe wead de Riggschlach-Effeggd als brozenduala Odeel vum theoredische Oischbarpotenzial vunde Effizienzschdaischarunge, wu awwa weschem Vahalde vude Vabraucha ewe nedd oigschbaad wead. All, wonn die Effizienz um 25 % gschdaischad wead, donn komma eawaade, dassde Vabrauch vunde Ressourse um 20 % (=1-1/1,25) abnemme dud. Wonn donn awwa de Vabrauch blos um 10 % zurigg geje dud, donn hoddsn Riggschlach-Effeggd vun 50 %.
Weesche dem Effeggd hoods a de Voaschlaach vunde Umweldekonome gewwe, dassma schdadd de Ekoeffizienz bessa die Suffizienz[1] schdaischare dud,[2] awwa do isch die Meenung dassma des nedd mache konn. Unn a die Suffizienz isch need frai vun dem Effeggd.[3]