اسمانی میل

اسمانی میل لمبائی دا اک ناپ اے۔ ایہ 149,597,870,700 میٹر یا 92,955,807.273 میل دے برابر اے یا زمین-سورج دے آپسی پینڈے دے برابر۔ ایہ تقریبا 15 کروڑ کلومیٹر بنندا اے۔ اسمانی میل سورجی پربندھ یا دوجے تاریاں گرد آسانی نال دوری دسن لئی ورتیا جاندا اے۔ اینوں تارہ پڑھت دے اک اور خاص ناپ نوں دسن لئی وی ورتیا جاندا اے: پارسک۔

لال لیک سورج-زمین وشکار دوری دسدی اے، جیڑا 1 اسمانی میل ہوندا اے۔

ادھارن

اسمانی میل دیاں ایتھے کج ادھارناں دتیاں گیاں نیں پر ایہ گل یاد رہنی چاہیدی اے جے اسمان تے چیزاں ٹردیاں ریندیاں نیں تے کسے چکر وچ اوہناں دا پینڈا تھوڑا بؤتا ہوسکدا اے۔

• چن زمین توں 0.0026 ± 0.0001 ام دور اے۔
• عطارد سورج توں 0.39 ± 0.09 ام دور اے۔
• زمین سورج توں 1.00 ± 0.02 ام دور اے۔