بھاف آلا انجن
From Wikipedia, the free encyclopedia
بھاف آلا انجن (Steam Engine) اک اینج دا انجن ہوندا اے جیہڑا کہ مکینکی کم بھاف دے زور تے کردا اے۔ بھاف والے انجناں دی اک لمی تریخ اے جیہڑی کہ 2000 وریاں تک پھیلی ہوئی اے۔ شروع وچ ایہہ انجن مکینکی کم کرن جوگے نہیں سن پر اک سائنسدان جیمز واٹ نے اک طاقتور سٹیم انجن بنایا جیہڑا کہ اینا طاقتور سی کہ اوہ مکینکی کم واسطے کافی سی تے ایس انجن دے آن توں 300 ورھیاں تک بھاف والا انجن مکینکی کم کرن والا اک وڈا حصہ بن گیا اے تے ایس نال کم کاج دا انقلاب آگیا۔ ایس دے آن توں پہلاں مکینکی کم کرن والیاں مشیناں ہوائی چکیاں تے پانی توں چلن ولیاں چکیاں ہوندیاں سن جیہڑیاں کہ صرف تیز ہوا وچ یا فیر پانی وچ چل سکدیاں سن۔
بھاف والے انجن اصل وچ ایکسٹرنل کمسچن انجن ہوندے نیں جیہڑا کے کئی قسم دے بالن ورت سکدے نیں جیہناں وچ ایٹمی بالن توں لے کے کوڑا کرکٹ ہوندا اے۔ بالن اصل وچ پانی نوں گرم کردے نیں کے بھاف بن کے انجن ٹوردا اے۔ دنیا دی 80٪ بجلی بھاف والے انجن جمدے نیں۔
بھاف انجن (Steam engine) اک تاپ انجن (Heat Engine) اے، جو کوئی وی آلاتی کم لئی بھاف استعمال کردا اے۔