پیپسو
From Wikipedia, the free encyclopedia
پیپسو انگریزی دے شبد PEPSU توں آیا اے۔ اس دا مطلب اے پٹیالہ اینڈ ایسٹ پنجاب سٹیٹ یونین۔ انگریزاں ماتحت پنجاب دا ایہہ اک پریمسج سی ۔ پیپسو 1948 توں 1956 تک بھارت دا صوبہ رہا سی۔ ایہہ اٹھ دیسی ریاستاں ، ریاست پٹیالہ، ریاست جیند ، ریاست نابھہ، ریاست فریدکوٹ، ریاست کلسیاں، ریاست ملیرکوٹلا، ریاست کپورتھلہ اتے ریاست نالاگڑھ توں ملکے بنیا سی۔ ایہہ 15 جولائی، 1948 وچ بنیا اتے 1950 وچ بھارت دا صوبہ رہا۔ اس دا راجگڑھ پٹیالہ[1] سی۔ اس صوبہ دا رقبہ 26,208 مربع کلومیٹر سی، اتے شملہ، کسولی، کنڈاگھاٹ، دھرمپور اتے چیل اس دا حصہ سن۔
1947 وچ جد انگریز بھارت نوں چھڈّ کے گئے تاں اس ویلے پنجاب وچ بہت ساریاں ریاستاں موجود سن جہناں وچوں مکھ پٹیالہ، کپورتھلہ، جیند، فریدکوٹ، ملیرکوٹلا، نالاگڑھ وغیرہ سن۔ ہن پنجاب وچ دو صوبے سن: پنجاب تے پیپسو۔ پنجابی ریجن دی بولی پنجابی (گورمکھی لپی وچ) منی گئی۔ پیپسو وچ پنجابی زون اتے پنجابی فارمولا اتے ہندی زون اتے سچر فارمولا لاگوُ ہونا منیا گیا۔ ریجنل فارمولے دا ہور کوئی نتیجہ تاں نہ نکل سکیا پر 1 نومبر 1956 دے دن پنجاب اتے پیپسو صوبیاں نوں ملا کے اک صوبہ بنا دتا گیا۔ 13 جنوری 1949 نوں پیپسو دا پہلا مکھ منتری گیان سنگھ راڑیوالا بنے اتے کرنل رگھویر سنگھ نے 23 مئی 1951 نوں دجے مکھ منتری بنے۔