مولانا جلال ‌الدین محمد بلخی رومی

پیدائش تے ناں نسب

اصل ناں محمد ابن محمد ابن حسین حسینی خطیبی بکری بلخی سی۔ تے آپ جلال الدین، خداوندگار تے مولانا خداوندگار دے لفباں نال نوازے گئے۔ پر مولانا رومی دے ناں توں مشہور ہوئے۔ جواہر مضئیہ چ سلسلہ نسب اس طرح بیان کیتا اے : محمد بن محمد بن محمد بن حسین بن احمد بن قاسم بن مسیب بن عبداللہ بن عبدالرحمن بن ابی بکرن الصدیق۔ اس روایت نال حسین بلخی مولانا دے پردادا ہوندے نیں پر سپہ سالار نے انہاں نوں دادا لکھا اے تے ایہی روایت صحیح اے۔ کیونجے اوہ سلجوقی سلطان دے کہن اتے اناطولیہ چلے گئے سن جو اس زمانے چ سلاجقہ روم کہلاندا سی۔ انہاں دے والد بہاؤ الدین بڑے صاحب علم تے فضل بزرگ سن ۔ انہاں دا وطن بلخ سی تے ایتھے مولانا رومی 1207 بمطابق 6 ربیع الاول 604ھ چ پیدا ہوئے۔