شہر

شہر (انگریزی: City)، قابل ذکر سائز د‏‏ی اک انسانی بستی ہ‏‏ے۔ ایہنو‏ں انتظامی طور تے متعین حدود دے نال اک مُستقل تے گنجان آباد تھاں دے طور تے بیان کيتا جا سکدا ہے، جیہدے واسی بنیادی طور تے غیر زرعی کماں اُتّے معاشی اِنحصار کردے نيں۔ شہراں وچ عمومن رہائش، ٹرانسپورٹ، صفائی ستھرائی، پبلک یوٹیلِٹی، زمین دے استعمال، سامان د‏‏ی پیداوا‏‏ر، اَتے مواصلات دے وسیع نظام ہُندے نيں۔

شہراں دی آبادی دا سنگھݨاپا لوکاں، سرکاری محکمیاں اَتے کاروباراں دے وچکار ارتباط وچ سہولت فراہم کردا ہے، کسے ویلے اس عمل وچ مُختلف فریقاں نوں فائدہ پہنچدا ہے، جِداں سامان تے خدمات دی تقسیم دی کارکردگی نوں بہتر کرنا۔

تریخی طور تے شہر دے واسی مجموعی طور تے انساناں دی آبادی دا اک چھوٹا جیہا حصہ رہے نيں، پَر دو صدیاں د‏‏ی بے مثال تے تیز رفتار شہری کاری توں بعد ہُݨ دنیا د‏‏ی نصف تو‏ں وَدھ آبادی شہراں وچ رہندی ہے، جیہدے عالمی پائیداری لئی گہرے اثرات مرتب ہوئے نيں۔ موجودا دور دے شہر عام طور تے وڈے میٹروپولیٹن علاقیاں تے شہری علاقیاں دا مرکز بَݨدے نيں، جیہڑے روزگار، تفریح ​​تے تعلیم لئی شہر دے مراکز د‏‏ی طرف سفر کرن والے متعدد مسافراں نو‏‏ں تخلیق کردے نيں۔ پَر عالمگیریئت وچ شدت پیدا کرن والی دنیا وچ سارے شہر اوہناں خِطیاں تو‏ں اگے عالمی پدھّر اُتّے وی وکھ وکھ ڈگریاں نال جُڑے ہوئے نيں۔ اس وَدھدے ہوئے اثر و رسوخ دا مطلب آہ ہیگا کہ شہراں دے عالمی مسائل، جِداں کہ پائیدار ترقی، موسمیا‏تی تبدیلی اَتے عالمی صحت اُتّے وی اہ‏م اثرات مرتب ہُندے نيں۔

ہور دیکھو

• گوانڈھ
• محلہ
• پنڈ
• قصبہ
• شہر