اپنشد
From Wikipedia, the free encyclopedia
اُپنِیشد (Upaniṣad)(سنسکرت: उपनिषद्; اُچارن: [upəniʂəd]) ہندو مت دیاں قریباً دوسو مقدس تے نظری کتباں دے مجموعے دا نام ہے جنہاں وچوں پرانیاں ترین کتاباں زیادہ تر وید دیاں فلسفیانہ تشریح توں متعلق نیں۔ انہاں ہندو مت دے متعدد اولیاء (رشی / sage) مل منسوب کیتا جاندا ہے۔ اپنیشد، سنسکرت دے تن لفظاں اُپ+نی+شد دا مرکب ہے، جس دے معنی قریب تھلے بیٹھنا ہے۔ دوجے لفظاں وچ مرشد دے قدماں وچ معرفت تے حصول علم دے واسطے بیٹھنا۔ اپنیشد کسے اک کتاب دا نہیں بلکہ کتاب سلسلے تے فلسفے دا نام ہے، جو موضوع دے اعتبار نال مابعدالطبیعیاتی تے اسلوب دے لحاظ نال شعری ادب دا حسین مرقہ ہے۔ اپنیشد دیاں تعلیمات دا منبع توحید، حق پرستی، تے عرفان ذات ہے۔ ایہ ظاہری عبادتاں، مذہبی رسماں، جنتراں، منتراں دے بجائے خود آگاہی، حقیقیت اولی دی تلاش تے تقوی اُپر زور دیندی ہے۔ ممتاز ہندو فلسفی اور عالم شنکر اچاریہ نے اُپنیشدوں دی تعلیمات اُپر بڑا زور دتا تے کئی اک اپنیشداں دیاں تفسیراں لکھاں۔
جس طرحاں ایہ گل ہے کہ کوئی علاقا کوئی قوم تصوف توں خالی نہیں۔ کجھ تھوڑے جہے عقیدیاں تے سوچاں دے فرق نال ایہ ہر تھاں موجود رہیا ہے۔ تے اج وی ایہدے مانت تے پرچارک موجود نیں۔ بھانویں ایہناں وچ نویں علماں تے نویاں سوچاں دے نال کجھ نویاں رلتاں وی ہو گئیاں نیں پر ایس عمارت دے مڈھلے پتھر اج وی اوہو نیں جہڑے صدیاں پہلے رکھے گئے سن۔ ایتھے اسیں کجھ مڈھلے وچاراں دی سکھشا بارے گل کراں گے تاں جے ایہنوں سمجھن وچ آسانی ہووے۔ تے ایہ لیکھ ہور نکھیڑتا نال سامنے آ سکے۔