جمہوریا باشکیرستان ، (باشکیر بولی چ باشقورتوستان ریسپوبلیکاہی) روس دی اک وفاقی جمہوریہ اے ۔ باشکیرستان دریائے وولگا تے کوہ یورال دے وجکار واقع اے ۔ اسدا راجگھر اوفا شہر اے ۔
| باشکیرستان | ||
| روس دی وفاقی جمہوریہ | ||
| ||
| روسی صدر پوتن باشکیرستان دے مذہبی آگوآں نال | ||
.svg) | ||
| باشکیرستان روس دے نقشے چ | ||
 |
 | |
| قومی ترانہ | جمہوریہ باشکیرستان دا قومی ترانہ | |
| سیاسی حثیت | ||
| دیس | روس | |
| حثیت | وفاقی جمہوریہ | |
| وفاقی ضلع | وولگا | |
| معاشی علاقہ | یورال | |
| راجگھر | اوفا | |
| سرکاری بولیاں | روسی تے باشکیر بولی | |
| مذہب | اسلام | |
| اعداد و شمار | ||
| لوک گنتی | 41 لکھ 4 ہزاز 336 افراد | |
| روس چ درجہ بلحاظ آبادی' | 7واں | |
| گنجانی | 29 لوک فی مربع کلومیٹر | |
| شہری | 64 فیصد | |
| دیہی | 36 فیصد | |
| رقبہ | 1،43،600 مربع کلومیٹر | |
| روس چ درجہ بلحاظ رقبہ' | 27واں | |
| قیام | 1555ء | |
| ٹائم زون | ییکیترنبرگ ٹائم (یو ٹی سی 5+) | |
| حکومت ( 2018ء دے مطابق) | ||
| صدر | رادی خابیروف | |
| قنون ساز ادارہ | ریاستی مجلس ۔ قرولتائی | |
| آئین | جہموریہ باشکیرستان دا آئین | |
| سرکاری ویب سائیٹ | www.bashkortostan.ru Archived 2011-07-22 at the وے بیک مشین | |
ابتدائی تریخ
اج دے باشکیرستان دی بھوئیں تے پہلی انسانی آبادی ابتدائی پالیولیتھک دور چ ہوئی سی ، پر کانسی دے دور چ ایہہ علاقہ آباد ہویا ۔ جدوں اباشیوو رہتل دے لوک ایتھے آباد ہونا شروع ہوئے ۔ اوہ لوک تانبے دے اوزار ، ہتھیار تے آرائشی شیواں بنان چ مہارت رکھدے سن ۔ ایہہ اوہ پہلے لوک سن جنہاں نے دکھنی یورال چ مستقل آبادیاں قائم کیتیاں ۔ ناں باشکیر پہلا واری 9ویں صدی عیسوی چ جانیا جان لگا ۔
روسی سلطنت چ شمولیت
10ویں صدی عیسوی چ باشکیراں چ اسلام پھیلنا شروع ہویا تے 14ویں صدی عیسوی چ ایہہ علاقے دا اکثریتی مذہب بن گیا ۔ 16ویں صدی عیسوی تک اج دے باشکیرستان دا علاقہ خانان قازان ، خانان سائبیریا تے نوغائی اردو وچکار ونڈیا ہویا سی ۔ اودوں ایتھے رہن آلے قبیلےآں دی قیادت بی (قبائلی سردار) کردے سن ۔ خانان قازان دے روسی زار ایوان گروزنی ہتھوں خاتمے دے بعد 1554ء - 1555ء چ لہندے تے اتلے لہندے باشکیر قبیلے زار کول رضاکارانہ طور تے ماسکوی روس چ شمولیت دی درخواست لے کے پہنچے ۔
16ویں صدی عیسوی دے دوجے ادھ توں ، باشکیرستان دے علاقے نے روسی سلطنت دے حصے دا روپ اختیار کرنا شروع کیتا ۔ 1798ء چ روس دے مسلماناں دی روحانی مجلس قائم کیتی گئی ، جہڑا اشارہ سی کہ روسی حکومت نے باشکیر ، تاتاری تے دوجے مسلماناں دے اسلام نوں منن تے مذہبی رسماں دی ادائگی دے حق تسلیم کر لئے ۔ 1865ء چ اوفا گوبرنیا (گورنوریٹ) دا قیام عمل چ آیا ، جہڑا علاقائی شناخت ول دوجا قدم سی ۔
سویت اقتدار چ
1917ء دے روسی انقلاب دے مگروں 1919ء چ روسی اشتراکی وفاقی سویت جمہوریہ دے اندر باشکیر خودمختار سویت اشتراکی جمہوریہ قائم کیتی گئی ، بعد چ پورا اوفا گورنوریٹ اس نویں جمہوریہ چ شامل کر دتا ۔ سویت دور چ باشکیریہ ، باقی روسی علاقہ وچکار پہلا علاقہ سی ، جسنوں وسیع خودمختار آحتیار دتے گئے سن ۔ باشکیر اے ایس ایس آر دا انتظآمی ڈھانچہ سویت یونین دیاں دوجیاں خودمختار جمہوریاوآں ورگے اصولاں تے مبنی سی ۔
باشکیرستان توں خام معدنی تیل کڈن دا کم 1932ء چ شروع ہویا ۔ 1943ء چ تیل دے وڈے ذخیرے لبھے ۔ دوجی جنگ عظیم دے دوران باشکیرستان سویت یونین دے علاقےآں چون اک اہم علاقہ سی جتھے لہندے روس لیائے گئے کارخانے تے فیکٹریاں لایاں گیاں ۔
سویت یونین دے مگروں
11 اکتوبر 1990ء چ جمہوریہ دی سپریم سویت نے باشکیر اے ایس ایس آر دے اقتدار اعلی دا اعلان کر دتا ۔ 25 فروری 1992ء چ باشکیر اے ایس ایس آر نوں جمہوریہ باشکیرستان دا ناں دے دتا گیا ۔
سیاست
باشکیرستان دی حکومت دا سربراہ صدر ہندا اے ، جس نوں روسی صدر 4 سال لئی نامزد کردا اے ۔
معیشت
جغرافیہ
دریا
باشکیرستان چ 13،000 ہزار توں ودھ دریا نیں ۔ بوہت سارے دریا یورپی روس دے گہرے پانی دے آمد و رفت دے نظام دا حصہ نیں ، جنہاں راہیں بحیرہ قزوین توں کالا سمندر تے بالٹک سمندر دیاں بندرگاہاں تک جایا چا سکدا اے ۔
حوالے
باہرلے جوڑ
 |
وکیمیڈیا کامنز چ مورتاں: Bashkortostan |
- باشکیرستان دی سرکاری ویب سائیٹ Archived 2011-07-22 at the وے بیک مشین
- باشکیرستان دی حکومتی ویب سائیٹ Archived 2008-10-11 at the وے بیک مشین
- جمہوریہ باشکیرستان دا قومی ترانہ
- باش انفو ، خبر رساں ایجنسی
- جمہوریہ باشکیرستان تے اوفا شہر دیاں انگریزی بولی چ ویب سائیٹاں دے لنک
- باشکیرستان دی روسی سلطنت چ شمولیت دی 450 سالگرہ تے سرکاری ویب سائیٹ Archived 2007-03-04 at the وے بیک مشین
- جمہوریہ باشکیرستان دی باہردے دیاساں نال معاشی تعلقات تے تجارت دی وزارت دی ویب سائیٹ Archived 2007-02-12 at the وے بیک مشین
- باشکیرستان ایکسپورٹ پورٹل Archived 2019-12-28 at the وے بیک مشین
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
