![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/43/Location_North_America.svg/langpnb-640px-Location_North_America.svg.png&w=640&q=50)
اُبھا امریکا
براعظم / From Wikipedia, the free encyclopedia
اُبھا امریکا (North America) زمین دے اتلے ادھے حصے چ اتے لہندے حصے ول اک براعظم اے ۔ ایہدے اُبھے ول آرکٹک ساگر ، چڑھدے ول اٹلانٹک ساگر، لہندے ول پیسفک ساگر، لمے ول کیریبین سمندر اتے لما امریکا اے ۔
![]() | |
تھاں | 24,709,000 مربع کلومیٹر |
لوک گنتی | 528,720,588 |
سنگنا | 22.9/مربع کلومیٹر |
دیس | 23 |
بولیاں | انگریزی، فرانسیسی، ہسپانوی |
ایہہ 24,709,000 مربع کلومیٹر (9,540,000 مربع میل) تھاں تے پھیلیا ہویا اے۔ ایہنے زمین دا 4.8% تھاں تے سکی زمین دا تھاں ملیا ہویا اے۔ ایہدے 23 دیساں وچ 529 ملین لوک وس رہے نیں ۔ تھاں نال (ایشیا تے افریقا مگروں) ایہہ دنیا دا تیجا وڈا [1] تے لوک گنتی نال (ایشیا، افریقا تے یورپ مگروں) دنیا دا چوتھا وڈا براعظم اے۔[2] ایہدا لامت تھاں کینیڈا، امریکہ تے میکسیکو نے گھیریا ہویا اے جد کے نکے دیس وشکارلے امریکا تے کریبین وچ وسدے نیں۔
اُبھے امریکا وج وسن والے پہلے لوک پرانے انڈین سن۔ اوہ انت دے برفانی ویلے وچ 110,000 توں 12,000 ورھے پہلے بیرنگ سمندر دے جمݨ نال ایشیا تے اُبھے امریکا دے وچکار بݨݨ والے رستے تے تُر کے ایتھے پُہنچے ۔اوہ براعظم وچ وکھریاں رہتلاں تے قوماں وچ ونڈدے گئے ۔ کولمبس توں پہلے ویلے وچ اتلے امریکا وچ پونگرنوالیاں سب توں وڈِیاں تے جوکھے تھان پھیلِیاں ہوئِیاں رہتلاں ازٹیک اجکل دے میکسیکو وچ تے مایا وشکارلے امریکا وج پونگریاں۔ 16ویں تے 17ویں صدی وچ یورپی لوک ایتھے آۓ تے ایتھے دیاں لوکاں نوں مُکا سٹیا اتے اینج یورپی پسار دا مڈھ رکھیا گیا۔