سوالبارد

سوالبارد یورپ دے شمال چ وڈا سمندر آرکٹک چ واقع اک جزیرےآں دا مجموعہ اے جہڑا ناروے تے قطب شمالی دے ادھ واقع اے ، ایہہ ناروے دا شمالی ترین علاقہ اے ۔

ممکن اے وائی کنگ یاں روسیاں نے 12ویں صدی چ سوالبارد نوں دریافت کر لئیا ہوئے ، کیونجے ناروے دی روایتی داستاناں چ سوالبارو ناں دی سرزمین دا ذکر ملدا اے ، جس دا مطلب :سرد کنارا" اے ، پر اسنوں غیر متنازع طور تے پہلی وار ولندیزی جہازران تے مہم جو ولیم بیرنٹس نے 1596ء چ دریافت کیتا سی ۔

سوالبارد دے اک جزیرے لونگیئربابن تے 20 اپریل توں 23 اگست تک سورج طلوع رہندا اے جدوں کہ 26 اکتوبر توں 15 فروری تک رات رہندی اے ۔

سوالبارد دی کل آبادی 2005ء دے مطابق 2400 اے ، تقریبا 70 فیصد آبادی نارویجی اے جدوں کہ باقی 30 فیصد روسی ، یوکرینی تے پولش باشندے نیں ۔