From Wikipedia, the free encyclopedia
شالیمار ٹاؤن لہور دا اک پرانا علاقہ اے۔ اے مشہور جی ٹی روڈ اتے وسدا اے۔ اے مغل بادشاہ شاہجہان دے بنائے گئے شالیمار باغ دے نیڑے ای ھیگا اے تے ایسی مناسبت نال ایدا ناں شالیمار ٹاؤن پے گیا۔ 1958 چ ایوب خان دے حکم توں پہلاں مشہور میلہ چراغاں اسی باغ چ منایا جاندا سی۔
ایس علاقے دی تریخ 1400 چ مغل دور حکومت تکر جاندی اے۔ ایس علاقے چ سنیاریاں دی دکاناں تے بڑی رونق ھندی سی۔ 1947 چ پاکستان دے قیام توں پچھوں ایتھوں دے سارے ھندو انڈیا اپڑ گئے تے اے تھاں اتے مسمان آباد ہو گئے۔ 1962 چ شالیمار باغ دے قومیانے ویلے ایس علاقے نوں حکومت ولوں باقاعدہ ٹاؤن شپ دا درجہ دتا گیا۔
شالیمار ہسپتال لہور دے وڈے تے مشہور ہسپتالاں چوں اک منیا جاندااے۔ اے ہسپتال علاقے دے کھاندے پیندے تاجراں دی امداد توں شروع کیتا گیا سی۔ 1960 توں مگروں حکومت وی امداد دین لگ پئی۔ ایتھے لہور دے واسیاں نوں سستے علاج دی سہولت فراہم کیتی جاندی اے۔ ایس توں علاوہ ایس علاقے چ وڈی گنتی چ کلینک ھیگے نیں۔
شالیمار ٹاؤن دی وڈی صنعت پلاسٹک دیاں شیواں دی اے تے صابن، تیل تے بسکٹ دوجے نمبر تے آندے نیں۔ ایناں چوں مشہور تھلے دتے نیں:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.