![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c9/Reflection_of_Farah_Baksh_Terrace_%2528Upper_Terrace%2529_main_building.jpg/640px-Reflection_of_Farah_Baksh_Terrace_%2528Upper_Terrace%2529_main_building.jpg&w=640&q=50)
میلا چراغاں
From Wikipedia, the free encyclopedia
میلا چراغاں، پنجابی صوفی شاعر شاہ حسین دے عُرس اُتے باغبانپورا شالامار باغ لہور وچ منایا جاندا اے۔ میلا چراغاں 3 دِناں تک رِہݨ آلا اک سال وار تہوار اے۔
![Thumb image](http://upload.wikimedia.org/wikipedia/commons/thumb/c/c9/Reflection_of_Farah_Baksh_Terrace_%28Upper_Terrace%29_main_building.jpg/640px-Reflection_of_Farah_Baksh_Terrace_%28Upper_Terrace%29_main_building.jpg)
![Thumb image](http://upload.wikimedia.org/wikipedia/commons/thumb/6/61/Diwali_Diya.jpg/640px-Diwali_Diya.jpg)
ایہ پنجاب دا اک وڈا تہوار اے۔ میلا چراغاں یا میلا شالامار دراصل پنجابی صوفی شاعر شاہ حسین دے عُرس دے تن روزہ میلے دا نام اے۔ ایہ شاہ حسین دے مزار، جو لہور دے علاقے باغبانپورا وچ واقع اے، دے قریبی علاقے وچ لگدا اے۔ باغبانپورا دا علاقہ لہور شہر دے باہر شالامار باغ دے قریب واقع اے۔ ایہ تہوار پہلاں شالامار باغ دے اندر لگیا کردا سی، پر صدر ایوب خان دے صدارتی حکم 1958ء توں بعد توں شالامار باغ وچ ایہدے لاؤݨ اُتے پابندی عائد کر دِتی گئی۔ پہلاں ایہ عرس لہور وچ سَبھ توں وڈا تہوار سمجھیا جاندا سی پر ہُݨ ایہ بسنت توں بعد دوسرا وڈا ثقافتی تہوار اے۔ ہُݨ بسنت اُتے پابندی توں بعد ایہ فیر وڈا تہوار بݨ گیا۔