Istorgia da la viafier
From Wikipedia, the free encyclopedia
L’istorgia da la viafier s’occupa, sco part da l’istorgia da la tecnica tradiziunala, da la perscrutaziun e documentaziun da l’istorgia dal traffic sin rodaglias, da la tecnica respectiva e dal svilup tecnologic. Dapi intgin temp vegn l’access a la tematica schlargià adina dapli cun applitgar dumondas interdisciplinaras da l’istorgia culturala.
Sco che quai è er il cas sin intgins auters champs parzials da l’istorgia, èsi oravant tut la gronda cuminanza d’amaturs da la viafier che presta la lavur da rimnar documents e perditgas istoricas. Uschia èn er blers museums da viafier vegnids iniziads d’uniuns u schizunt da persunas privatas. Suenter che l’interess da vart da las instituziuns publicas è stà plitost pitschen tranter la fin da la Segunda Guerra mundiala ed ils onns 1980, pon ins però constatar ils ultims decennis in engaschament creschent er da questa vart.