Leif Eriksson

Leif Eriksson, islandais Leifur Eiríksson (* ca. 970 en l'Islanda; † ca. 1020) era in scuvrider islandais. L'onn 985 era el gia da la partida cura ch'ils Vikings han colonialisà la Grönlanda. L'onn 1000 parta el danovamain e scuvra probablamain sco emprim european l'America dal Nord. Eriksson ha scuvrì grondas parts da la riva americana ed è riva fin al "Neufundland" dad oz. Il frar da Leif ha era fatg pliras expediziuns ed è probabel stà l'emprim european ad inscuntrar ils Indians ed è mort ad ina blessura d'ina frizza. Tuttina èn ver 150 Vikings sa colonialisads en la terra dal vest. Ma la colonialisaziun ha betg gì success: entras il clima pli fraid vers il 1500 è la mar schelada e la via da mar stada bloccada. Latiers è suenter la pesta en il 13avel tschientaner en Norvegia il contact vegnì interrut. Uschia ha l'America dal Nord stuvì vegnir scuverta ina secunda giada l'onn 1492.

Quest artitgel è in sboz.

Cun l'amplifitgar (co?) gidas a meglierar la Vichipedia rumantscha.