Americhe meridionale
continende / From Wikipedia, the free encyclopedia
L'Americhe meridionale o Americhe d'u Sud jè 'nu subcontinende ca tène 'a parte meridionale de l'Americhe. Se iacchie pe le 'ndere jndr'ô emisfere occidentale, e jndre 'na bbuèna parte jndr'ô Emisfere australe, fatte eccezziune pè alcune reggione ce se iacchiene a nord de l'Equatore jndr'ô Emisfere boreale. Jè vagnate ad ovest da l'oceane Pacifiche, a nord e ad est da l'Oceane Atlàndeche. L'Americhe settentrionale e 'u mar de le Caraibe se iacchiene a nord-ovest.
L'Americhe d'u Sud ha state accusì chiamate jndr'ô 1507 da le cartografe Martin Waldseemüller e Matthias Ringmann dope ca 'u navigature fiorendìne Amerigo Vespucci, prime jndr'à Europe, suggerì ca 'u continende da picche scuperte non ge fossere le Indie Oriendale, me 'nu Nuève Munne scanosciute a le europee.
L'Americhe d'u Sud tène 'na superficie de 18.840.000 chilometre quadrate, ca corresponde a quase 'u 3,5% d'a superficie terrestre. A l'inizie d'u 2005 'a soje populazzione jè state stimate jndre cchiù de 371.090.000 de crestiáne. 'U Sud Americhe accussì jè 'u quarte continende 'n termine de superficie (dope Asie, Africa e Americhe d'u Nord) e 'u quinde pè populazzione (dope Asie, Africa, Europe e Americhe d'u Nord).