Lènga spagnole
From Wikipedia, the free encyclopedia
'U spagnole o castigliane jè 'na lènga appartenènde ad 'u gruppe de le lènghe romanze d'a famigghie de le lènghe indoeuropee. Seconne alcune classefecaziune, jè 'a quarte lènghe cchiù parlathe ad 'u munne jndre termine assolute mendre jè 'a seconne cumme lènga madre, dope 'u cinese.[2]
Spagnole español o castellano | |
---|---|
Parlate in | Spagne, Cile, Colombie, Cuba, Messiche, Nuève Messiche (U.S.A.), Perù, Argendine ed otre 20 pajèsere. |
Reggione | Granna parte de l'Americhe cendrale, vaste aree de l'Americhe meridionale, Messiche e minoranze relevànde jndr'à Americhe settentrionale e jndr'à lle Caraibe; Spagne e enclave de gruppe immigrànde jndre totte le continènde |
Locutori | |
Totale | 330 miglione - 417 miglione[1] |
Classifeche | 2 - 4 (stime varie) |
Otre 'nformazione | |
Tipe | SVO + VSO sillabiche |
Tassonomie | |
Filogenesi | Lènghe indoeuropee Tàliche Romanze Spagnole |
Statute ufficiale | |
Ufficiale in | Aunìone europee Spagne Argendine Bolivia Cile Colombia Costa Rica Cuba Repubbleche Dominicane Ecuador El Salvador Template:PHI (dal 1987) Guatemala Guinea Equatoriale Honduras Messeche (de facto) Nicaragua Panamá Paraguay Perù Template:PUR Uruguay Venezuela segnefecative spannemènde jndre: Andorre Belize Gibilterre Statère Aunìte d'Americhe Brasile Purtugalle Marocche |
Regolate da | Asociación de Academias de la Lengua Española (Real Academia Española) |
Codece de classificazione | |
ISO 639-1 | es
|
ISO 639-2 | spa
|
ISO 639-3 | spa (EN)
|
Glottolog | stan1288 (EN)
|
Linguasphere | 51-AAA-b
|
Estratte in lènga | |
Dichiarazione universale dei diritti umani, art. 1 Todos los seres humanos nacen libres e iguales en dignidad y derechos y, dotados como están de razón y conciencia, deben comportarse fraternalmente los unos con los otros. | |
Distribuzione sciugrafeche d'ô spagnole | |
'A 'mbortanze d'u spagnole jè crisciùte assaje jndr'à lle urteme anne. Quiste grazzie ad 'u ìrte tasse de natalità de assaje pajèsere jndre cui jè parlate, ad 'u sveluppe economeche de varie state latino-americane, ad 'a crescite d'a comunità ispanofone jndr'à lle State Aunìte e, da urteme, ad 'u spannemènde d'u mercate musècale jndre quèste lènga, canosciute cumme pop latine e l'hip hop.
Se ause 'u termine castigliane specialmènde pè mettere 'n evidenze ca jè 'a lènga origgenarie d'a Castiglie e non de otre reggione d'a Spagne de cui sonde autoctone otre lènghe polìtecamènde recanosciute (Catalogna, Comunità Valenzana, Pajèsere Basche, Navarra e Galizia), ma quite termine jè spannùte pure jndre alcune cundete estranee ad 'a Spagne. 'U fatte jè comungue dibattute, cumme affrondàte cchiù nnande.
Le Spagnole ausane chiamà 'a lòre lènga Español quanne quèste jè citate 'nzieme a lènghe de otre State (pè esembie jndre 'nu elenghe addò tonne pure 'u Frangise o le 'Nglise), ma seconne alcune jè cchiù corrette ausà 'u termine Castellano (Castigliane), specialmènde 'n rapporte ad otre lènghe polìtecamènde recanosciute d'a Spagne. Inoltre 'u termine genereche "Español" jè spannùte pure jndr'à lle vanne de l'Americhe Latine, pure senze avè connotazione polìteche e de sovranità. 'A Costituzione Spagnole recanosce 'na lènga ufficiale ce jè 'u "Castellano" e 3 lènghe co-ufficiale: 'u Galiziane (Galego), 'u Basche (Euskera) ed 'u Catalane sije jndr'à soje modalità oriendale (Català), ca valenciane (Valencià). Recendemènde pure 'a Commissiune Europee hagghie stabbilite ca le crestiáne ca se revolgeranne ad 'u Parlamènde Europee mediande teste scritte jndre quèste 3 lènghe onne ad avè 'u diritte de vedè 'a resposte jndr'à medesime lènga. Le coste de traduziune sonde a careche d'u Guverne Spagnole.
Pè quanne reguarde le varietà lènguisteche, ogne paise tène 'nu soje mode particulare de parlà ô Spagnole. Pè esembie, jndr'ô Messiche, 'u paise ispanofone cchiù populose d'u munne, se pòte iacchière 'nu granne elenghe de parole specifeche e d'ause sciùrnaliere ca sonde assaje defferene d'a lènga parlate jndr'à Spagne o de quèdde studiate jndr'à lle curse de lènga jndr'à Europe. Jndr'ô Cindre Americhe (Guatemala, Honduras, El Salvador, Nicaragua, Costa Rica e Panamá) 'a situazione jè cchiù o mène uniforme ed ô Spagnole jè combrese assaje bbuène da totte, pure ce jndre chidde pajèsere stonne angore varie lènghe indios. Jndr'à lle Caraibe, se pòtene distinguere 'u Cubane, 'u Dominicane ed 'u Portoricane ca sonde defferende sije pè 'a pronunge sije pè 'u segnefecate ce tènene determinate parole. Ô Spagnole d'u Venezuela jè vicine a quidde de le Caraibe. Jndr'à Americhe d'u Sud se parle correndemènde Castellane tranne jndr'ô Brasile (purtughese), Guyana ('nglise), Suriname (olannese) e Guyana Frangise (frangise) però cu assaje defferenze 'mbrà 'na Naziune e l'otre e pure a le 'nderne de le pajèsere cchiù granne.
Ad ogne mode, assaje Costituziune de le pajèsere ispanofone americane, a defferenze d'a Costituziune d'u Regne de Spagne, recanoscene jndr'ô Spagnole 'u nome d'a lènga ufficiale d'a Naziune.