Mare d'u Nord
mare / From Wikipedia, the free encyclopedia
'U mare d'u Nord jè 'nu mare epicontinendale de ll'Europe nord-occidendale, acchijate sus 'a chiattaforme continendale europèe. Tène 'na longhezze de 970 km e 'na larijèzze de 560 km, e se spànne suse a 'na superficie de 570.000 km².[1] 'Na 'mbortande vanne de le bacine idrografece de le jume de ll'Aunìone europèe aunìscene le acque lòre verse quiste mare. 'U mare d'u Nord jè 'ngomunecazziúne cu ll'oceane Atlàndeche attraverse 'u Passe de Calais,(chiamate pure Stritte de Dover), e 'u Canale d'a Maneche a sud, e attraverse 'u mare de Norveggie a nord.
Mare d'u Nord | |
---|---|
Parte de | Oceane Atlàndeche |
Statère | Belge, Danemarche, Frange, Germanie, Norveggie, Pajèsere Vasce, Regne Aunìte, Svezzie |
Coordinate | 56°N 3°E |
Altitudene | 0 m s.l.m. |
Dimensioni | |
Grannèzze | 570.000 km² |
Lunghezze | 970 km |
Larijezze | 560 km |
Profunnetate masseme | 700 m |
Profunnetate medie | 100 m |
Idrografije | |
Bacine idrografeche | 841.500 km² |
Immissarie prengepále | Réne/Mosa, Elba, Glomma, IJsselmeer, Weser |
Salinità | 15-35 pe' mille |
'A profunnetata medie d'u mare d'u Nord jè ind'à ll'ordene de le 100 metre, cu 'na profunnetata masseme de 700 metri, ed otre aree picche profunne jndre cui se pòtene acchijare pure mène de 15 m. 'U mare d'u Nord se iacchije suse a quidde ca ère 'u punde de aunìone 'mbrà ttréde placche tettoneche continendale ind'ò prime periode de ll'Ere Paleozoiche. Movimènde de le faglie associate a quiste fenomene pòtene angore ôsce causare terremote e piccele tsunami. Le caratteristeche d'a coste sonde però 'u resultate de movimènde glaciale, cchiù ca tettonece. Le profunne fiorde sonde l'espressione cchiù comune de le coste settendrionale, mendre le coste meridionale sonde quagghiate p'a granna vanne da praje rènôse e distese de fanghe. Quiste vanne chianeggiande sonde assaje esposte a 'u rischie de granne junèle, specialmènde a causa de le tembeste associate a le maree. Comblesse sisteme de dighe sonde state quagghiate ind'ò timbe pe' proteggere le vanne costiere.
'Ô sveluppe d'a civiltata europèe jè state assaje 'mbluenzate da 'u traffeche maritteme ind'ò mare d'u Nord. Le Romane apprìme e le Vichinghe nnande tendarene ccu spànnere le territorije lòre jndre totte 'u mare. Cciù nnande sije 'a Leghe Anseateche ca le Pajèsere vasce honne tendate ccu comanne 'u commerce maritteme e ausarle cumme ponde pe' trasère a lle mercate de le rumanènde vanne d'u munne.
'Ô sveluppe d'a stesse Granne Bretagne ind'ò passate cumme potènze maritteme depenneve assaje d'a posizione dominande sove a lle 'nderne d'u mare d'u Nord, addò s'affacciavane alcune de le potènze revale sove, apprìme le Pajèsere Vasce e 'a Germanie, me pure le pajèsere scandinave e ind'à mesure cchiù piccele 'a Russie attraverse 'u 'nzeccate mar Baltiche. Le 'mbrese commerciale, l'aumènde d'a popolazzione ed 'a presenze de resorse limitate, sonde totte fattore ca honne purtate le pajèsere ca se affacciavane suse a 'u mare d'u Nord ccu desidere 'u condrolle de totte lle trasùte pe' 'nderesse commerciale, meletare, o accume collegamènde assaje 'mbortande verse le colonie d'oltremare.
'A 'mbortanze sove s'ète trasfrmate da meletare a economeche. Le attiviate economeche tradizionale, cumme 'a pesche e le cêscie maritteme, honne condinuato a criscere, e otre de nuève se sonde aggiunde e sonde state sveluppate, cumme pe' esembie le estrazione de combustibbele fossele e l'energije eoleche.