Pole sud
From Wikipedia, the free encyclopedia
'U termine pole sud se referisce ad 'u pole sud sciugrafeche, l'estreme punde meridionale de l'asse terrestre, opposte ad 'u pole nord. Otre "pole sud" 'ngludene 'u pole sud cerimoniale, 'u pole sud magneteche e sceomagneteche, e 'u pole sud de l'inaccessibbeletate.
 |
Pe approfondimende, 'ndruche 'a vôsce Antarteche. |
'U pole sud sceografeche se iacchije ad 'a latitudene de 90° S, addò se 'ngondrane totte le meridiane. Jè definite cumme 'u luèche jndre cui l'asse de rotazione terrestre se 'ngondre c'a superficie e se pòtene ausà le stesse osservazioni p'u pole nord.
'U pole sud sciugrafeche jè definite cumme une de le doje punde jndre cui l'asse de rotazione d'a Terre se 'ngondre c'a superficie d'u pianete (l'otre punde jè 'u pole nord sciugrafeche). Comungue, l'asse de rotazione terrestre jè soggette a cangiaminde, accussì quèste definizione non g'ète combletamènde sàtte. 'U punde de proiezione sciugrafeche d'u pole sud sus 'a sfere celeste ccreje 'u pole sud celeste.
Sus 'a Terre se iacchije jndrâ ll'Antartide, cchiù o mène a 2.600 km da 'u pole sud magneteche, acchijate sus a 'nu ìrtechiane piatte, ghiacciate e vìendose, a 2.835 metre d'altitudene sus a 'u levèlle d'u mare. Se penze c'a grannèzze d'ô strate de ghiacce sus a 'u pole sud sije de cirche 2.700 metre, accussì, jndre quidde punde, 'u suole d'a terre ha ddà esse pratecamènde ad 'u levèlle d'u mare. L'esploratore norveggese Roald Amundsen jè addevendate 'u prime uèmmene ad arrevà jndre quèste reggione 'u 14 decèmmre 1911.
'A masse de le ghiacce polare se môve de cchiù o mène 10 metre l'anne, accussì 'a posizione sàtte d'u pole sud sus 'ô strate de ghiacce cange picche picche jndr'ô timbe. 'U marcatore d'u pole sud jè sckaffate arrète ogne anne pe' tener conto de quiste spustamènde.
Ce non ge se cundane le Isole Sandwich Australe, 'u paìse cchiù 'nzeccate ad 'u pole sud jè 'u Cile (acchijate a 3.718 km de lundanànze). 'A cetata cchiù 'nzeccata jè Ushuaia, ca se iacchije jndr'â Argendine (a 3.910 km de lundanànze) e 'u villagge cchiù 'nzeccate jè Puerto Williams, Cile (a 3.895 km). 'A base de recerche sciendìfeche Amundsen-Scott, appartenènde a le Statère Aunìte, se iacchije pratecamènde jndr'ô pole sud sciugrafeche (a 89°59'51 de latitudene sud, acchijate cchiù o mène a 270 m). 'A distanze 'mbrà 'u pole nord e 'u pole sud sciugrafeche (seconne 'a curvature d'a terre) jè de cirche 20.000 km.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
