Matere

Matere (jndr'à 'u tagliàne Matera AFI: [maˈtɛːra]^[3], sende^ⓘ; jndr'à 'u dialette materane Matàrë^[4], pron. [ma'ta:rə]) jè 'nu comune tagliàne de 59 597 crestiàne^[1], capeluéche de l'omoneme provinge d'a Basilicate.

Matere comune
(IT) Matera
Matere – Veduta Viste d'a Civite e da 'u Sasse Barisane
Localizzazione
State	Itaglie
Reggione	Basilicate
Provinge	Matere
Amministrazione
Sinnache	Dumíneche Bennardi (M5S) da 'u 6-10-2020
Territorie
Coordinate	40°40′N 16°36′E40°40′N, 16°36′E (Matere)
Altitudine	401 m s.l.m.
Superficie	392,09 km²
Crestiàne	59 563[1] (31-5-2023)
Denzetà	151,91 ab./km²
Fraziune	'A Martelle, Picciane A, Picciane B, Venusie, Villagge Timmare
Comune 'nzeccate	Altamure (BA), Genòse (TA), Gravine in Pugghie (BA), Grottole, Latèrze (TA), Miglioniche, Mondescagliose, Sanderame in Colle (BA)
Otre 'mbormaziune
Cod. postale	75100
Prefisse	0835
Fuse orarie	UTC+1
Codece ISTAT	077014
Cod. catastale	F052
Targhe	MT
Cl. sismiche	zone 3 (sismicità vasce)[2]
Cl. climatiche	1776
Nome javetande	materane
Patrone	Madonne d'a Brune, sand'Eustachie
Sciurne festive	2 lùglie, 20 settèmmre
Soprannome	(IT) Città dei Sassi (ROA–TARA) Cetate de le Sasse
Motte	Bos Lassus Firmius Figit Pedem
Cartografije
Matere Matere
Matere – Mappa Posizione d'u comune de Matere jndr'à omoneme provinge
Site istituzionale

Je canosciute jndr'à 'u munne pe le storece riune Sasse, ca ne fanne 'na de le cetate ancore javetate cchiù andiche a 'u munne^[5][6]. Le Sasse onne state recanosciute 'u 9 decèmmre 1993, jndr'à l'assemblèe de Cartagena de Indias (Colombie), patrimonie de l'umanitate da l'UNESCO, prime site de l'Itaglie d'u sud a ricevere tale recanoscimende^[7][8].

Jndr'à 'u 1663 ha state separate d'a provinge de Terre d'Otrande, addò aveve fatte parte pe secule, pe divenìe, 'nzigne a 'u 1806, capeluéche de l'allore provinge de Basilicate jndr'à 'u Regne de Napule. Durante quisto periode 'a cetate conobbe 'n'mbortande crescite economiche, commerciale e culturale. Matere ha state 'a prime cetate d'u sud a insorgere in arme condre 'u nazifascisme e jè pe quiste 'mbdrà le cetate decorate a 'u valor militare p'a uerre de lìbberazione essende state insignite jndr'à 'u 1966 d'a medaglie d'argende a 'u valor militare e 'mbrà le cetate decorate a 'u valor civile essende state insignite jndr'à 'u 2016 d'a medaglie d'ore a 'u valor civile^[9].

'U 17 ottòmmre 2014 ha state designate, 'nzieme a 'a bulgare Plovdiv, capitale europèe d'a culture p'u 2019.^[10]

Jndr'à 'u 2021 ha state sede d'u G20 de le Ministre de le Affare de fòre e Ministre d'u Sviluppe.^[11]

Suggetate

Evoluzione demografeche

Crestiàne censite^[12]

'A cetate de Matere 'nzigne da le inizie d'u Novecende ha sembre viste 'na crescite d'a popolazzione leggere ma costande, eccezion fatte pe 'nu aumende sensibbele avenìe jndr'à 'u seconde dopouerre, dovute in parte a 'nu salde naturale sembre positive ed in parte a 'u spopolamende de le picchele cendre limitrofe.

Amministrazione

Pe approfondimende, 'ndruche 'a vôsce Sinnache de Matere.

Gemellagge

• Petra
• Cartagena de Indias
• Vigevane
• Metaponde
• Isole de Cape Rizzute
• Esiste 'nu patte d'azione cu Mondescagliose (MT) .^[13]