Панславизм
From Wikipedia, the free encyclopedia
Панславизм — идеология, котра пропаговала културну, политичну едноту и сполучинность славянскых народох.[1][2]
Панславизм взник зачатком XIX. стороча в Чехии и Словакии, котры были частьов Австрийской империи и быв проявом славянской оброды, але тыж и реагованьом западных славянох на змоцнѣня пангерманизма. Идеи панславизма розвивали Словаци Ян Коллар, П.Й. Шафарик ай иншы. В року 1848 в Празѣ под проводом Чеха Франтишка Палацкого ся звершив первый всеславянскый конгрес, который зажадав перетворѣня Австрийской империи на федерацию ровноправных народох. Тот идеологичный напрям достав назву австрославизма.[1][2]
Меджи подкарпатскыма русинами едным з первых практичных проявох панславизма были граматикы Йоанна Фогарашия и Михаила Лучкая зоз зачатку 1830-х, в котрых указовали церковнославянскый язык як сполочный язык про вшиткых славянох.[1]