From Wikipedia, the free encyclopedia
Русь — назва первого векшого штату восточных славянох, котрый ся створив в IX ст. Его называли Давноруськый штат, земля Русох (Русь), старославяньскый язык: Рѹ́сьскаѧ землѧ, середновѣкый грецкый язык: дгр. Ῥῶς; Арабскый язык: الروس al-Rūs, новый грецкый язык грец. Ῥωσία, старый французскый: Russie, Rossie, латинскый лат. Russia, а од XII. стороча тыж Ruthenia.[1][2] Од XIX. стороча в российской историографии, жебы указовати на тогдышный главный город, зачали хосновати назву Киевская Русь.[3]
Походжѣня термина «Русь» родило вельо спорох. Едны историкы поважують, же он походить от притока Днѣпра — рѣкы Рось. Другы твердять, же Русьска земля — тото Середне Поднѣпровье. При тому указують, же аналогично называли ай иншы територии — Дунайска Русь, Тмутороканска Русь итд., што говорить о росширѣню того термина од Балтика до Чорного моря. Третѣ твердять, же термин походить од рѣчищ (русло), четверты — од зафарблѣня волося (русые), пяты — от найменованя народох: «россоманы», «роксоланы» — так Готы называли люди, котры жили меджи Днѣстром и Днѣпром. Шесты приходять з гипотезов, же Варягы носили назву «русь» и были славянами, што пришли с южного берега Балтицкого моря (остров Рюген), абож из района рѣкы Нѣман. Седмы поважують, же термин «Русь» — шкандинавского походжѣня: подля них, сосѣдны зо славянами финно-угры, называли шкандинавох-викингох из сѣвера Швеции, якы ся селили в городах на пути «из варяг в грекы». Их число не было велике, и тоты Викингове (ruotsy — весларе) асимиловали ся меджи восточных славян, взявшых собѣ тоту назву. Так ци иншак, термин «Русь» означав до монголской инвазии вшитку цѣлов восточнославянского обывательства, котре было в давньорусьскых княжествах и землях. По монголской инвазии (1237–1241) термин «Русь» (великоросы) ся утвердив про обывательство сѣверо-выхода и сѣверо-запада бывшой Киевской державы (Владимиро-Суздальска Русь, Новгородска земля и прилеглы ку ним територии). На землях, што ся достали под владу Польщи и Великого княжества Литовского, а пак Польско-литовского штату, утвердили ся Украинцѣ и Бѣлорусы, (котрых Поляци тыж называли «русь»).[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.