Италийскый полуостров

Италийскый полуостров (ит. penisola italica ай penisola italiana) простерать ся од южного передгоря Алп на сѣверѣ до централной части Середоземного моря на югу и включать континенталну часть сучасной Италии (99.9531%) и енклавны микродержавы Сан-Марино (0.0466%) ай Ватикан (0.0003%). Третий найвекшый на югу Европы полуостров (149 тыс. км²) по Иберийскому (595 тыс. км²) на западѣ а Балканскому (505 тыс. км²) на востоку.^[1][2]

Физична мапа

Полуостров Италия в Европѣ

Иншы назвы полуострова суть Полуостров Италия, Апеннинскый полуостров, Континентална Италия; прозывка Италийскый чобот.

География

Полуостров ся затинать до Середоземного моря на 1100 км. Омывають го Ядранске, Тирренске, Йонске и Лигурске моря. Берегы му почленены слабо, лем в южной части почлененя векшать (полуостровы Калабрия, Салентина, Гаргано). Майже цѣлый полуостров занимають горы Апеннины (найвысша гора Корно, 2914 м), окрем долины рѣкы По на сѣверѣ, котра е ровнинна. Уздовж восточного и западного побережий тягнуть ся узкы смугы грункастых ровнин. На юго-западѣ — район вулканизма (Везувий). Клима субтропична средоземноморска, з горячым лѣтом и слотавов стытков зимов. Рѣкы курты, влѣтѣ силно мѣлѣють.^[1]

Жерела и одказы

• Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— Стр 35 из 592. ISBN 5-85270-057-6русс.
• Italian Peninsula. Encyclopaedia Britannica. September 14, 2023. https://www.britannica.com/place/Italian-Peninsula. [перевірено 2025-11-15].англ.