Базилика

Базилика, зо старогрецкого βασιλική στοά кральовска колонада — назва христианского храма з колонадами або аркадами. Обсяг того термина е двоякый: архитектурный и церковный.

Естергомска базилика од Дуная

Архитектура базиликы

Базилика: закладны компоненты

В архитектурном вызнамѣ базилика е продовгастый храм, котрый мать веце нав, а главна (середна) нава е высша од бочных и мать свои властны вызоры, котры суть над стрѣхами бочных. Навы суть од себе оддѣлены лем колонадами або аркадами, так же вшиток внуторный простор храма творить едну цѣловь.

Кедь середна нава не мать вызоры, иде о псевдобазилику.^[1]

В старовѣкых Греции, Египтѣ и Римѣ базиликы служили як административны ставбы про цѣлѣ дворскы, публичны, а уже позднѣйше лем як святынѣ.^[2]

В Мадярщинѣ христианскы базиликы зачали ставляти еще за Св. Штефана.^[3]

Базилика Св. Яна в Латерану, Рим, е базиликов в обох вызнамах

Церковный ранг

Подробно см.: Basilica maior ай Basilica minor

В середновѣку базиликы уже служили лем як христианскы святынѣ. Взник новый, церковный вызнам понятя базиликы, яко ранга, котрым ся вырозняють и одзначають найважнѣйшы и найзаслуженѣйшы храмы Католицкой Церкви. Тот ранг храму удѣлюе Папа римскый, а не суть на то сформулованы жадны формалны критерии. Суть два рангы базилик:^[2]

• велика базилика (basilica maior),
• мала базилика (basilica minor).

Жерела и одказы

• Podręczna Encyklopedia Kościelna (opracowana pod kierunkiem ks: ks Stan. Galla, Jana Niedzielskiego, Henr. Przczdzłeckiego, Ant. Szlagowskiego, Ant. Tauera i redaktora ks Zygm. Chelmlcklego). Tt. 1-44. Wydawnictwo biblioteki dzieł chrześcijańskich. Warszawa, 1904-1914. Том 2, сс. 174-175.
• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 2, сс.729-730.
• Краснова О. Б. Энциклопедия искусства Средних веков и Возрождения. ОЛМА Медиа Групп, 2002 - 318 стр. С. 50.