Берберы

Берберы — група народох, обываючых сѣверозападну Африку (Алжир, Буркина-Фасо, Египет, Либия, Мавритания, Мали, Марокко, Нигер, Тунис).

Територии бываня Берберох

Подля шацунку число Берберох чинить 12,3 млн. особ (1983). Говорять берберскым языком, але векшинов знають и арабскый язык.^[1]

Подля новшых шацункох число Берберох може быти 25-30 млн. особ (2012), але официалных податкох не е,^[2] подля иншых жерел 20-40 млн. особ (2003).^[3]

Самоназва Берберох amazig або mazik, што значить: слободны, независимы. Фридрих Мюллер, австрийскый лингвиста, односить Берберох до чистых хамитох. Берберы свѣтлокожы, як европане, хоть суть меджи нима и темнобарнасты, твари кавказского типа, мускулисты, але худого тѣла, з горбатым носом, темноволосы и кучерявы. Днесь суть могамеданской вѣры, але пиля того додержують моногамию, и жена у них мать честовану позицию в родинѣ и в сполоченствѣ.^[4]

Жерела и одказы

• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 3, с. 130.
• Берберы // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1, с. 171.