Валентина Терешкова

Валентина Терешкова (рос. Валенти́на Влади́мировна Терешко́ва, *6. марец 1937, село Болшое Маслениково, Ярославска область, РСФСР, СССР) — козмонавтка, перва во свѣтѣ жена в той функции (1963), Геройка Совѣтского Союзу (1963), едина жена в росийском войску в шаржи генералмайор (1995)^[1]

Валентина Терешкова Валентина • Терешкова
Валентина Владимировна Терешкова
Псевдоним	Чайка, Valentina
фото з року 1969
Чинность	козмонавтка, политичка
Сфера	політік, козмонавтика, політична діяльність, військова служба, політіка
Горожанство	СССР, Росія
Уроджѣня	марца 6., 1937 (1937-03-06) (88 р.)
Ошкола	Військово-повітряна інженерна академія імені Миколи Жуковського
Праца	Ярославський шинний завод, Красный Перекоп, Восток-6, Верховна рада Союзу Радянських Соціалістичних Республік, Президія Верховної ради СРСР, Союз радянських товариств дружби і культурного зв'язку із зарубіжними країнами, Ярославская областная дума, Державна дума Російської Федерації
Участь	XXIV з'їзд КПРС, XXV з'їзд КПРС, XXVI з'їзд КПРС, XXVII з'їзд КПРС
Партія
Комунистична партия Совѣтского Союзу (1960; 1991)
Дѣти	(1) Олена Андріянівна Ніколаєва-Терешкова
Награды
Honoris causa
Валентина Терешкова на Викискладѣ VIAF:2788147967352384200001; GND:119207710; LCCN:n94025495; FAST:336883; BNF:12890135m; NLKR/NLC:mzk2004175572; Большая советская энциклопедия [в 30 т.], 1969—1978, Obalky knih.cz, Women In Science Ту можуть быти податкы з Wikidata, не контролованы авторами статѣ

Походжѣня и штудии

Походила з роботницкой родины: отець — тракториста, мати — роботниця в тестиловом промыслѣ. Мала о три рокы старшу сестру ай о три рокы молодшого брата. По закончѣню сѣмкласной основной школы в року 1953 наступила до роботы в текстиловом промыслѣ, як ей мати. Дале ся доучовала во вечерной школѣ, пак екстерно в промысловцѣ на майстра-технолога памутопрядѣня. Роботницку професию неодовго лишила, а од року 1960 была плаченов функционарьков в комсомолѣ, од року 1962 — членка КПСС.^[2]

В року 1958 вступила до аероклубу, 21. мая 1959 уже первый раз скочила з [[парашут]ом, а по козмичном летѣ Гагарина (1961) ся приголошовала до Москвы, жебы ей взяли на козмичну програму. В децембрѣ 1961 была покликана до Москвы на дохторскый пересмотр.^[3]

Козмичный лет

В марцу 1962 была прията на козмичну службу в приправну групу, а разом и до войскового летунства, в децембрѣ того року перейшла испытом и зыскала званя козмонавткы и шаржу подпоручника. В групѣ з иншыма трьома козмонавтками зачала пряму приправу ку лету на козмичной лодѣ «Восток-6^[ru]». 16. юна 1963 повышена на поручника и выштартовала яко едина выбрана до лету. Уже в току лету повышена на капитана. За три днѣ облетѣла Землю 48 разы и успѣшно пристала 19. юна 1963.^[2]

Приготовлѣня на лет были так затайнены, же ани родины выбраных до програмы дѣвок не знали о том. Терешкова повѣла домашным, же ся готовить на парашутных курзах. О том, же полетѣла до козмосу, они ся дознали лем з телевизии, а ей мати ся за тото на ню довго сердила.^[3]

Далшый живот

Гагарин и Николаева-Терешкова з мужом
в групѣ козмонавтох, 1965

Терешкова уже вецей нигда не вылетѣла до козмосу. Была дале наставником в приготовцѣ новых козмонавтох аж до року 1997. Але главнѣ о ней было знати з ей чинности в штатных и партийных службах на высокых урядах, котрыма была звѣрена и репрезентативных путованях по цѣлому свѣтѣ. В року 1963 оддала ся за козмонавта Андриана Николаева и писала ся Николаева-Терешкова, мали дѣвку Елену (*1964). В року 1977 ся розышли.^[3]

Официално ся розвели в року 1982, як Елена уже была повнолѣтна, а тогды ся Терешкова побрала зоз хирургом генералом Юлием Шапошниковым, з котрым жили до его смерти (1999).^[4]

Од року 1997 пензионована з козмичной и военской службы, але на высокы сполоченскы функции выберана ай дале.^[2]

Жерела и одказы

• Mary Dejevsky (29 March 2017). The first woman in space: 'People shouldn't waste money on wars'. The Guardian. https://www.theguardian.com/global-development-professionals-network/2017/mar/29/valentina-tereshkova-first-woman-in-space-people-waste-money-on-wars. [перевірено 31 May 2023]. англ.
• Tereshkova, Valentina (1937—) // Women in World History: A Biographical Encyclopedia. Encyclopedia.com. 25 May. 2023. https://www.encyclopedia.com/women/encyclopedias-almanacs-transcripts-and-maps/tereshkova-valentina-1937. [перевірено 2023-05-31]. англ.
• ТЕРЕШКОВА. // Большая российская энциклопедия. Том 32. Москва, 2016. стр. 65. https://old.bigenc.ru/technology_and_technique/text/4188688. [перевірено 2023-05-30].русс.
• А. Железняков. ТЕРЕШКОВА Валентина Владимировна. // Энциклопедия «Космонавтика». http://www.cosmoworld.ru/spaceencyclopedia/tereshkova/index.shtml?tereshkova.html. [перевірено 2023-05-30]. русс.