Вербас (рѣка)

Вербас, босн. Врбас — рѣка в Боснии и Герцеговинѣ, котра вытѣкать на южных убочах горского пасма Враниця в Динарскых горах, обертать на сѣвер и по 240 км току вливать ся до Савы, яко ей лѣвый приток.

Суть другы вызнамы, см. Вербас.

Рѣка Боснии и Герцеговины

Вербас
босн. Врбас
Акумулачный резервоар Бочац на Вербасу
Закладны числа
Довжка току	240 км[1]
Плоха базену	5400 км2[1]
Проток в устю, середн.	70 м3/сек[1]
Выток
Враниця Динарскы горы Надморска вышка 1530 м[2] 43°54′39″N 17°49′18″E
Векшы притокы
Плива (лв.), Угар (пр.), Црна Риека (лв.), Вербаня (пр.)[2]
Устя
Сава, при Даворѣ Надморска вышка 90 м 45°06′28″N 17°30′49″E
Путь до моря
Сава→Дунай→Чорне море
Вербас на Викискладѣ

Вызнам рѣкы

Характер току

Горный ток рѣкы до города Яйце, де во вышцѣ 380 м н.м. принимать свой первый векшый приток Пливу,^[3] мае характер типовой горской рѣкы зо спадом около 10 ^м/_км и лежить на територии Федерации Боснии и Герцеговины. Притокы и рѣка богаты на рыбу, а занотованы ту 22 виды. В нижньой половцѣ току зо спадом около 2,4 ^м/_км тече по територии Републикы Сербской и мать вызнам з огляду гидроенергетикы.

Гидроенергетика

Уже в добѣ Австро-Мадярщины, в року 1894 ту зачала фунговати гидроелектрарня Яйце з выконом 8 MW, котра застачала енергию про хемичный промысел до року 1957. В року 1954 выбудовали ГЕ Яйце ІІ на выкон 30 MW, а од року 1957 реконштуовали ГЕ Яйце І на выкон 48 MW.^[2] В року 1981 дали до ходу третю велику ГЕ Бочац в Банялуцѣ, главном городѣ Републикы Сербской з выконом 110 MW. Але и так еще все выхоснованы суть лем 22,5% потенциала гидроенергии Вербаса.^[2]

Туристика и водны шпорты

О 12 км од Банялукы рѣка прорѣзала мальовный каньон, богатый на природны красоты, але суть ту ай историчны памятникы середновѣку, добры условия про туристику, рекреацию, рыбарѣня, водны шпорты. Рѣка была и е мѣстом великого числа водношпортовых перемагань, в року 2005 ту быв Европскый, а в року 2009 — Свѣтовый шампионат в рафтингу.

Жерела и одказы

• Врбас в БСЭ (по русскы) (онлайн). Большая Советская Энциклопедия. http://bse.sci-lib.com/article006961.html. [перевірено 2020-01-12].
• HES Vrbas (по сербскы) (ФОТО). http://www.hesvrbas.com/index.php. [перевірено 2020-01-12].